Русский  >>  فارسی  >>  Шанбе 10 декабр 2016, 15:46

Қаторҳои сербори Тоҷикистон ба ӯзбакҳо мушкил эҷод кардаанд

25 ноябр 2011, 10:09

Масъулини роҳи оҳани Ӯзбакистон ба хабаргузориҳои ин кишвар иттилоъ додаанд, ки вагонҳои бозмондаи Тоҷикистон, ки аллакай шумораашон аз 300 адад гузаштааст, ба фаъолияташон халал ворид карда истодаанд.


Намояндагони роҳи оҳани ҳамсоякишвар изҳор медоранд, ки сарфи назар аз қатъи ҳаракати қаторҳо ба ҷануби Тоҷикистон вагонҳои ин хатсайр ҳамоно ба Ӯзбакистон ворид мешаванд.Ширкати роҳи оҳани Ӯзбакистон дар сомонаи расмиаш изҳорот додаст, ки омода аст, ин вагонҳоро тавассути гузаргоҳи Қудуқлӣ ба  Тоҷикистон интиқол диҳад.Аммо масъулини «Роҳи оҳани Тоҷикистон» ахиран изҳор доштанд, ки қатораҳои самти вилояти Хатлонро наметавонанд дар шаҳри Душанбе қабул намоянд. Далели қабул накарданро, масъулини ширкати мазкур мушкили интиқоли минбаъдаи борҳо аз Душанбе ба ҷануб арзёбӣ мекунанд, ки хароҷоти зиёд хоҳад дошт. Зиёда аз ин коршиносони «Роҳи оҳани Тоҷикистон» таъкид мекунанд, ки қарор дар бораи тағйири хати ҳаракати борро онҳое қабул мекунанд, ки борро ирсол кардаанд.  Дар қатори чораҳо, ки барои бадтар нашудани вазъ амалӣ шудаанд, масъулини «Роҳи оҳани Тоҷикистон» мегӯянд, ки муваққатан бор кардани вагонҳои самти ҷануби Тоҷикистонро қатъ кардаанд.

Ёдрас мекунем, ки ҳаракати қатораҳо дар самти Амузанг-Тирмиз – Қӯрғонтеппа, баъд аз таркиш дар роҳи оҳани ин ин самт шаби 17 –уми ноябр рухдода қатъ гардид. Мақомоти ӯзбак мегӯянд, айни ҳол барои муайян кардани ҷузъиёти воқеа корҳои тафтишотӣ идома доранд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!