Русский  >>  فارسی  >>  Якшанбе 4 декабр 2016, 08:52

Болоравии нархи маҳсулоти озуқаворӣ дар Тоҷикистон

26 ноябр 2011, 06:00

Дар бозори маводи озуқавории Тоҷикистон давоми як моҳи охир афзоиши нарх  асосан дар маҳсулоте ба қайд гирифта шудааст, ки истеҳсоли ватанӣ мебошанд.


Ин нуктаро масъулини Вазорати рушди иқтисод ва савдои Тоҷикистон дар натиҷаи таҳлили бозори озуқавории кишвар дар моҳи ноябр муайян кардаанд.Тавре аз ин вазоратхона ба хабаргузории «Озодагон» иттилоъ доданд, аз санаи 20–уми октябр то санаи 20–уми ноябри соли ҷорӣ дар кишвар нархи картошка, пиёз,  сабзӣ,  бодиринг ва помидор боло рафтааст. Аз ҷумла дар пойтахт давоми як моҳи охир, нархи картошка 11,4 фойиз қиммат шуда, ба ҳисоби миёна 1,95 сомониро ташкил медиҳад. Нархи сабзӣ аз санаи 20 –уми  моҳи гузашта, то 20 –уми моҳи ҷорӣ 20,3 фойиз афзоиш ёфта, айни ҳол як килои он ба ивази 1,9 сомонӣ фурӯхта мешавад.Нархи як кило пиёз ҳам ба ҳисоби миёна 1,9 сомониро ташкил медиҳад, ки нисбат ба нишондоди як моҳ пеш 2,7 фойиз қимматтар аст.

Манбаъ афзуд, ҷаҳиши нисбатан назаррас дар нархи бодирингу помидор ба қайд гирифта шудааст, ки бодиринг тайи як моҳ 81,8 фойиз қиммат шуда, ба 6 сомонӣ баробар гардидаст. Нархи помидор бошад якбора 104,2 фоиз зиёд гардида, айни ҳол дар бозорҳои пойтахт ба ҳисоби миёна 6,2 сомонӣ нарх дорад.Фурӯшандагони ин навъи маҳсулот сабаби  болоравии нархро гузаштани мавсими баъзеи онҳо номида,  омили асосиро афзоиши нархи сӯзишворӣ ва мувофиқан хароҷоти интиқоли ин маҳсулотро ба бозор арзёбӣ мекунанд.

Дар  ҳамин ҳол масъулини Вазорати рушди иқтисод ва савдо таъкид мекунанд, ки нархи гӯшт, тухм, орд, биринҷ, чой, шакар ва дигар намуди маводи озуқаворӣ тайи ду–се моҳи охир мӯътадил боқӣ монда, бархе онҳо майли арзоншавӣ доранд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!