Русский  >>  فارسی  >>  Душанбе 5 декабр 2016, 03:15

Дар шимоли Тоҷикистон партовҳои маишӣ дубора коркард мешаванд

28 ноябр 2011, 04:12

КВД  «Хизматрасонии нақлиёти санитарӣ»-и шаҳри Хуҷанд ва Бонки Аврупоии Таҷдид ва Рушд дар шаҳри Душанбе қарордоди вижаро имзо карданд.


Тибқи иттиллои хабарнигори маҳалии «Озодагон» санади мазкур сармоягузории лоиҳаи «Коркарди партови дурушти маишии шаҳри Хуҷанд» унвон мешавад ва дар зери он Раҷаббой Каримов, раиси феълии шаҳри Хуҷанд имзо гузоштааст.Гуфтанист, қаблан роҳбари намояндагии БАТР дар Тоҷикистон ҷаноби Улф Хиндстром зимни ташрифаш ба шаҳри Хуҷанд, ки аввали ҳамин моҳ ба вуқӯъ пайваст, омодагии Бонки Аврупоии Таҷдид ва Рушдро дар мавриди дастгирии лоиҳаи пешниҳодшудаи коркарди партови дурушт изҳор дошта буд.

Тибқи ин санад барои коркарди партови дурушти маишӣ ва таҷдиди партовгоҳи мавҷудаи шаҳри Хуҷанд аз ҷониби БАТР дар ҳаҷми 5 миллион доллари амрикоӣ маблағ ҷудо мешавад, ки 2,5 миллион доллари онро маблағи грантӣ аз ҳисоби Хазинаи Саҳҳомии Махсуси Бонки Аврупоии Таҷдид ва Рушд ташкил медиҳад.

Лозим ба ёдоварист, ки партовгоҳи кунунии шаҳри Хуҷанд, ки дар масофаи 17 километр дур аз шаҳр воқеъст, чандин даҳсола инҷониб истифода мешавад ва имконияти ғунҷоишаш аз истифодаи тӯлонӣ ва торафт афзоишёбии ҳаҷми партов вақтҳои охир хеле маҳдуд гардидааст.Коркарди партови дурушти маишӣ натанҳо ба истифодаи дигарбораи он ба сифати сӯзишворӣ, фулузоти саноатӣ, пору ва ғайра имконият фароҳам оварда бори партовгоҳоро сабук мекунад, балки ба тозагии муҳити зист мусоидат менамояд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!