Русский  >>  فارسی  >>  Панҷшанбе 8 декабр 2016, 01:11

Манъи содироти пашму пӯст ба хориҷ боиси афзоиши коркарди онҳо шудааст

28 ноябр 2011, 09:55

Тайи 10 моҳи ахири соли равон корхонаҳои коркарди пӯсти ватанӣ 820,1 ҳазор дона пӯсти чорвои калон ва хурдро коркард намудаанд, ки ин нишондод нисбат ба ҳамин давраи соли гузашта 4,6 маротиба бештар аст.


Тавре аз маркази матбуотии вазорати энергетика ва саноат ба хабаргузории «Озодагон» иттилоъ доданд, коркарди пашм бошад, аз ҷониби корхонаҳои кишвар ба миқдори 327,3 тонна бо маблағи 1 431 050 сомонӣ каркард гардидааст. Сарчашмаи хабар сабаби зиёдшавии истеҳсоли пусту пашмро ба манъи содироти онҳо ба хориҷи кишвар унвон намуд. «Қобили қайд аст, ки зиёд гардидани истифодабарии иқтидорҳои истеҳсолӣ дар корхонаҳои коркарди пӯст ва пашм баъд аз  қабули қарори ҳукумати Тоҷикистон «Дар бораи муваққатан манъ намудани содироти ашёи хоми чорво (пӯст ва пашм) - и коркарднашуда аз  Тоҷикистон» аз 30 апрели соли 2011 имконпазир гардиданд». Бо дастгирии вазорати энергетика ва саноати кишвар ба муносибати 20 солагии истиқлолияти Тоҷикистон 2 корхонаи коркарди пӯсти чорвои калон ва хурдро соҳибкори инфиродӣ Абдусатторов Ш ва ҶДММ «Файзи Мастчоҳ» бо иқтидори умумии коркарди зиёда аз 450 ҳазор дона пўст ва 1 корхонаи ҶММ «Ростаи Суғд»-и коркарди  пашми маҳаллӣ бо иқтидори коркарди 700 тонна пашм дар як сол ба фаъолият шурӯъ намуда, тақрибан 100 ҷои нави корӣ ташкил гардидааст, афзуд манбаъ.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!