Дар вазорати рушди иқтисод ва савдои Тоҷикистон мулоқоти роҳбарияти вазорат бо хонум Ваҷима Мики, муовини директори ҷамъияти Ҷопон оид ба савдо бо Русия ва ИДМ (ROTOBO) баргузор гардид.
Тавре аз ин вазоратхона ба хабаргузории «Озодагон» иттилоъ доданд, зимни ҳамойиш ҷонибҳо атрофи масъалаҳои ҷорӣ ва дурнамои ҳамкориҳои мутақобилан судманд баҳри рушди соҳаҳои мухталифи иқтисоди миллӣ ибрози назар намудаанд. Гузашта аз ин дар ҷараён ин нишаст, барномаҳо ва татбиқи лоиҳаҳо аз ҷониби созмони мазкур дар бахши хусусӣ, кишоварзӣ, омӯзиши таҷриба ва дигар самтҳои иқтисодию иҷтимоӣ мавриди баррасӣ қарор гирифтаанд. Ҳамкориҳои Тоҷикистон бо Ҷопон дар бахшҳои мухталиф аз қабили, саноат, кишоварзӣ, тиҷорат, маориф ва технология роҳандозӣ гардидааст.
Сарчашмаи хабар иттилоъ дод, ки форуми тиҷоратие, ки имрӯз (29-уми ноябр) дар Кохи Ваҳдат оғоз гардид, дар он ҷо низ рушди ҳамкориҳои Тоҷикистону Ҷопон баррасӣ хоҳад шуд.
Мӯҳр