Бахшҳо

Ҳукуматро чӣ водор кард саҳми андоз дар буҷаро коҳиш диҳад? (ЧАНДРАСОНАӢ)

Ҳукумати Тоҷикистон бори аввал аст, ки тасмим мегирад, вобастагии буҷаро аз андоз коҳиш диҳад. Масъулин мегӯянд, ин иқдом ба хотири дастгирии андозсупорандаҳо гирифта шудааст. Коршиносон иддао доранд, ки ин тасмим метавонад паёмадҳои норӯшан дар пай дошта бошад. Хоса дар кишварҳое мисли Тоҷикистон, ки манбаҳои иловагии пур кардани буҷаи кишвар хеле маҳдуд аст.

Қаблан Анҷумани ҷаҳонии иқтисодӣ (“Total Tax Rate”) бо пахши як гузориш Тоҷикистонро миёни 25 кишвари ҷаҳон, ки андози баландтарин доранд, дар мақоми 3-юм қарор дода буд. Дар гузашта Ҳукумати Тоҷикистон барои он интиқод мешуд, ки ба ҷуз молиёт роҳҳои дигари пур кардани буҷаро ҷустуҷӯ намекунад.

Ҳукуматро чӣ водор кард саҳми андоз дар буҷаро коҳиш диҳад? (ЧАНДРАСОНАӢ)


То соли равон зиёда аз 70%-и маблағҳои воридотии буҷавӣ аз ҳисоби андоз таъмин мегардид. Аммо Ҳукумати Тоҷикистон дар лоиҳаи Буҷаи соли 2017 бори нахуст саҳми андоз дар буҷаро то 67% коҳиш дод. Ин ҳам дар ҳоле ки андозаи буҷаи давлатӣ дар Тоҷикистон сол ба сол хислати зиёдшавӣ дорад. Аз ҷумла, буҷаи соли 2017 аз буҷаи соли равон 1,5 млрд. сомонӣ зиёдтар аст.

Коршиносон мегӯянд, коҳиш додани саҳми андоз дар буҷа бидуни тардид хушҳолкунанда аст, вале Ҳукумат бояд рӯшан кунад, ки кадом манбаъҳои дигарро барои пур кардани буҷа пайдо кардааст.

Ҳукуматро чӣ водор кард саҳми андоз дар буҷаро коҳиш диҳад? (ЧАНДРАСОНАӢ)


Буҷаи Тоҷикистон аз моҳи марти соли равон то имрӯз бо мушкил пур мешавад. Иқтисодшиносон мегуфтанд, баланд будани андоз соҳибкорӣ дар кишварро буғӣ кардааст ва Ҳукумат бояд ба онҳо сабукӣ диҳад. Аз ҷиҳати дигар, масъулини молияи кишар изҳор доштанд, ин тасмим аз ночорӣ аст, зеро Ҳукумат ба ғайр аз андоз роҳҳои дигари пур кардани буҷаро надорад. Пас, таҳлилгарон суолеро барои андеша вомегузоранд, ки оё Ҳукумат дар соли 2017 манбаъҳои нави пур кардани буҷаро пайдо кардааст?

Абдураҳмон Наҷмиддинов – коршинос оид ба масъалаҳои молияи давлатӣ:

Коҳиши воридоти андоз ба буҷаи кишвар замоне расмият пайдо мекунад, ки ҳамасола дар Тоҷикистон хабарҳо аз қатъи фаъолияти ҳазорҳо нафар аз соҳибкорӣ расонаӣ мешавад. Гуфта мешавад, асли ин ҳолат ба гаронии андозҳо иртибот дорад. Бино ба хабари Радиои Озодӣ танҳо соли гузашта 22 ҳазор соҳибкор фаъолияти худро қатъ кардааст. Ҳатто ҳолатҳое низ буд, ки чанд соҳибкор аз шаҳри Исфара тиҷорати худро ба Қирғизистон кӯчонданд. Илова бар ин, моҳи октябри соли равон Нусратулло Давлатзода, раиси Кумитаи андози Тоҷикистон иқрор шуд, ки вазъи ҷамъоварии андоз хуб нест ва соҳибкорон наметавонанд, бақияи қарзи худро пардохт кунанд. Ҷаноби Давлатзода гуфта буд, дар ҳоли ҳозир 30%-и соҳибкорон қудрати пардохти бақияи қарзи худ аз андозро надоранд. Танҳо дар 9 моҳи соли 2016 қарзи соҳибкорону корхонаҳо аз андоз 125 млн. сомонӣ афзоиш ёфт .

То ҳол Ҳукумати Тоҷикистон расман шарҳ надодааст, ки ба кадом хотир даромад аз андозро коҳиш дод. Аммо як масъули Вазорати молия бидуни зикри номаш гуфт, сол аз сол зиёд шудани қарзи андоз ахиран Ҳукуматро маҷбур кард, ки даромади буҷа аз ин самтро коҳиш диҳад.

Ин сару садо ва тасмимҳо дар ҳоле сурат мегиранд, ки дар Тоҷикистон буҳрони иқтисодӣ идома дорад ва буҷаи соли 2017, ҳамчун буҷаи буҳронӣ ном гирифтааст.

Ҳукуматро чӣ водор кард саҳми андоз дар буҷаро коҳиш диҳад? (ЧАНДРАСОНАӢ)


Рустам Гулов, коршиноси тоҷик мегӯяд, беҳтарин захира барои пур кардани буҷа ин захираҳои инсонӣ (интеллектуалӣ) мебошад. Ба гуфтаи ӯ, “агар ба мардум имконияти амалигардонии идеяҳояшон дода шавад, яъне бо коррупсия ва хешутаборбозӣ машғул нашавад, сатҳи андозҳоро паст кунад ва шаффофиятро афзун диҳад, пас иқтисодиёт пеш меравад”.

Коршиносони Хазинаи байналмилалии асъор яке аз тадбирҳои зиддибуҳрониро муҳайё кардани ҷойҳои нави корӣ дар соҳаҳои саноатӣ медонанд, ки маблағгузории ин соҳот метавонад, барои даромади буҷа мусоидат кунад.

Ҷамшед МАЪРУФ
Муллораҷаб ЮСУФЗОДА
Ҳалим ҶЎРАЕВ
Хуршед ФОЗИЛОВ,
махсус барои “Озодагон”

Мӯҳр
Ганс
3-уми мешавад ё 3-юми? Хатогии калон бо ҳарфи калон!!

Ин чо ягон сири нихон нест. Иктидори аклони Хукумат барои дарёфти танхо як манбаи пур кардани буча мерасад: ин зиёд кардани хачми чаримахо))))). 99,9 фоиз эътимод дорам, ки умед ба хамин манбаъ аст ва зиёд кардани нишондихандаи хисобхо барои соли оянда аз 40 ба 50 сомони аломати аввали хамин тамоюл мебошад...

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)