Бахшҳо

Д.Шарифов: “Ховар” дуруст мегӯяд, ин бори аввал нест...

Дар пайи боридани барфи зиёд ва сардиҳо, хабаргузории “Ховар” навишт, ки “ин бори аввал нест”. Воқеан ҳамкасбонам дуруст мегӯянд, ингуна сардиҳо, ки ба думболаш мушкилиҳо ҳам доштааст, бори аввал нест. Ман ҳам аз ин навиштаи ҳамкасбонам илҳом гирифта чанд сатре сиёҳ кардам, ки ки воқеан бори аввал нест. Он мушкилиҳо ё ҳамешагиянд ё такроршаванда. Ба ҳар сурат, ба навиштаи ҳамкасбонам ин бори аввал нест...

Ларзидани муйсафедон, шикояти кампирон аз сардию бебарқӣ дар ҳама манотиқи ҷумҳурӣ. Дар синфхонаҳои торику сард ва бебарқ дарс хондани хонандаҳо. Шамъ дар ошёнаҳои баланд ва гоҳо дар қаҳвахонаву тарабхонаҳо. Азоби модарон ҳангоми омода кардани таъом, шӯстани либос дар сардии зимистон. Овози баланди “движок” дар беморхонаю бунгоҳҳои тиббӣ. Бисту чаҳор соат зиндагӣ бо бӯйи таппаку ангишт. Ин бори аввал нест...

Вазъи бади хизматрасонии нақлиёт на танҳо дар деҳоту навоҳии дурдаст, балки дар марказӣ шаҳр. Соатҳо интизор шудани нақлиёт барои рафтан аз як ноњия ба ноҳияи дигар дар фасли сармо. Дар рӯзи сард миёни роҳ аз кор мондани тролейбус ва бо дили хоҳаму нохоҳам фаъолият кардани нақлиётҳои хусусӣ дар рузи сардӣ. Ин бори аввал нест...

Буридани сари муҳоҷирон дар Русия. Сӯзондани ҷисми муҳоҷирон. Куштани кӯдаки муҳоҷир. Фирори мағзҳо. Риоя нашудани ҳуқуқҳои муҳоҷирони корӣ, ки ҳамеша шикоят мекунанд. Муҳоҷирати занону кӯдакон. Ин бори аввал нест...

Нахондани донишҷӯ. Бетаваҷуҳии мардум нисбати илму дониш. Фасод дар системаи маориф. Ба баҳсҳои бегонапарастию худӣ машғул шудани олимон. Дарк накардани воқеъиятҳо. Баҳсҳои беҳудаи мазҳабӣ. Ин бори аввал нест...

Бекории мардум. Гаронии нархҳои бозор. Дар бештари ҳолат сари вақт нагирифтани нафақаю маош. Шикояти рузафзуни корафтодагон. Набудани корхонаҳои бузургӣ саноатӣ. Шикоят аз бекорӣ. Ин бори аввал нест...

Бегуноҳии роҳбарон. Серкории вазирон. Камбағалии раисон. Ҳамеша ҳақ будани судҳову прокурорҳо. Қарздории тоҷирон. Шикояти андозсупорандагон. Ин бори аввал нест...

Ба ин гунаҳгор будани “ношукрон”. Беҳудагӯии зиёиён. Нофаҳмии мардум. Ба такарор навиштани журналистон. Ин бори аввал нест...

Далер ШАРИФОВ
Мӯҳр
ОФАРИН БАРОДАР ДАЛЕР. ХУДОВАНД НИГАХБОНАТ БОШАД.

Фаррух
Ман аз ту фахр мекунам!

Вокеан хама асосан аз бори аввал метарсанд, баъд одат мекунанд. Мо хам одат кардем))))

Али фархор
100% рост бародар.

Э қанд занед, домулло АЛЛОМА!

Сангали
Ахсант Далерчон. Суханхои шумо хак асту рост.

Акрам
Аз фурсати муносиб истифода бурда "гайбаткунихо"-и бесамари ту низ БОРИ АВВАЛ НЕСТ Далер )))). Хай маълум, ки зиндагии ту хам аз хисоби хамин "...чанд сатре сиёҳ кардан.."-хост ;)

Исо
Барнагардондани пули мардум аз чониби бонкхо ва бетаваччухии мулкдорон ба ин масъала. Ин бори аввал нест.

Рафиқ
Хулоса ҳамин ҳаст ки ҳаст

Ҳайталӣ
Муллодалер худта ба даст, бигир!...

Рустам
Чй Далер, фикр мекунед, ки хамин хукумат ин корхоро махсус мекунад? Не, бародар хукумат хамеша дар фикри халк мебошад. Рохбарон хам мехоханд, ки мардум бо гармй, чойи кору маошу оби гарм таъмин юошад.Лекин хамаи ин ба якборагй намешавад. Бинед, ки сол то сол лимити барк махдуд шуда истодааст. Одамон бештар барк мегиранд. Оби гарм аллакай вориди хонахо шуда истодааст. Рогуна акнун комилан месозем.Дила васеъ гирифтан даркор. Давлатдории нави моро хамагй 25 сол мешавад.

Душанбе
Хай ҳамаш мешавад. Шумо кай аз нолидан мемонед?????????????

мехмон
Рустам,
25 сол не. 10 сол шуд давлатдории Точикистонро. Дах ангуштро ба дахон андохта намешавад.

Бобо
ИДИОТИЗМ полнейший! Бред! Зря время потратил.

Вай вай вай
Мо аз хукумат хафа нестем хай и бори авал нестай куууу

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)