Аз қаламрави Ӯзбакистон дигар истифода намешавад

Таҷҳизоту дастгоҳҳои марбут ба НБО-и Сангтӯда-2 на аз тариқи Ӯзбакистон, балки бо дигар роҳ вориди Тоҷикистон хоҳанд шуд.

Дар ин бора масъули ширкати «Фароб»- ҷумҳурии исломии Эрон, Сайид Аскарӣ ахиран июроз доштааст. Бино ба қавли ӯ, ҳамакнун таҷҳизоти зарурӣ ва маводди сохтмонӣ барои ин нерӯгоҳ тавассути қаламрави Афғонистон ва Чин ба Тоҷикистон расонида мешаванд.Ба ҷузъ ин, теъдоди мутахассисини эронӣ дар маҳалли сохтмони нерӯгоҳи “Сангтӯда-2” бамаротиб афзоиш ёфта ва васлу насби таҷҳизот акнун ба сурати шабонарӯзӣ сурат мегирад.

Тибқи қарордод бо давлати Тоҷикистон, замони фаъол сохтани чархаи нахустин моҳи феврали соли 2012 таъйин шудааст, аммо ин ширкат тасмим дорад, дар моҳи сентябри соли равон агрегати аввалини нерӯгоҳро ба гардиш дарорад.Таври маълум, дар соли гузашта молу колои ин нерӯгоҳ дар қаламрави Ӯзбакистон «банд» гашта, суръати ҷараёни корҳоро дар истгоҳи барқӣ ба қафо кашид.Сайид Аскарӣ мегӯяд, ба ин тартиб, мо бояд чархаи нахустинро дар тобистони соли оянда фаъол созем. Вале ҳоло мо талош дорем, ки то моҳи сентябр ба ин ҳадаф бирасем ва ба ин далел теъдоди изофии мутахассинро ба Тоҷикистон овардем.    Дар ҳоли ҳозир  бештари таҷҳизоти ҷудогонаи чархаи нахустини нерӯгоҳи “Сангтӯда-2” ба Тоҷикистон ворид карда шудаанд.

Ёдрас менамоем, нерӯгоҳи “Сангтӯда-2” бо хазинаи 180 миллион доллар  тавассути ширкати «Фароб»-и Эрон сохта мешавад ва тӯли 12,5 соли баъд аз фаъол шуданаш, ин нерӯгоҳ дар ихтиёри ширкати эронӣ қарор хоҳад дошт.Эрон ва Тоҷикистон ба қароре расидаанд, ки пас анҷоми корҳои сохтмонӣ дар нерӯгоҳи Сангтӯда-2 ба эҳдоси НБО-и Айнӣ  оғоз кунад.

Мӯҳр