Русский  >>  فارسی  >>  Якшанбе 11 декабр 2016, 01:22

SoS:Бӯҳрони сӯзишвории Тоҷикистонро Русия шиддат мебахшад

6 декабр 2011, 03:49

Тибқи қарори ҳукумати Русия, сар аз якуми декабр ширкатҳои Тоҷикистон зимни содир кардани як тонна бензини русӣ дар ҳаҷми  365,9 доллари амрикоӣ боҷи содиротӣ месупоранд, ки дар муқоиса бо нишондоди моҳи ноябр 13 доллар қимматтар аст.


Барои маҳсулоти рӯшани нафтии дигар боҷи содиротӣ 268,3 доллар муайян шудаст, ки нисбат ба моҳи гузашта 8 доллар қимматтар аст. Ин дар ҳолест, ки сӯзишворӣ дар Тоҷикистон ҳамарӯза гарон шуда истодааст. Тайи ду моҳи гузашта сарфи назар аз арзоншавии боҷи содиротӣ нархи бензин боло мерафт. Тавре аз Вазорати рушди иқтисод ва савдои Тоҷикистон ба хабаргузории «Озодагон» хабар доданд, айни ҳол нархи миёнаи як литр бензин дар пойтахти кишвар 7,35 сомониро ташкил медиҳад, ки дар муқоиса бо нишондоди як моҳ пеш 60 дирам қимматтар аст.

Ба гуфтаи манбаъ, дар ҳоли ҳозир як литр бензини навъи АИ – 92 бо нархи 7,2 сомонӣ ва навъи АИ -95 ба ивази 7,5 сомонӣ фурӯхта мешавад. Коршиносони масоили иқтисодӣ ҳадс мезананд, ки афзоиши ночизи боҷи содиротии маҳсулоти нафтии Русия барои воридкунандагони сӯзишворӣ ба Тоҷикистон баҳонаи нав ҷиҳати боз ҳам баландтар кардани нархи маҳсулоташон хоҳад шуд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!