Аз маркази матбуоти хадамоти мазкур ба хабаргузории «Озодагон» иттилоъ доданд, ки дар ин ҳамоиш Сафиалло Девонаев дар робита ба вазъи кунунии муҳоҷирони тоҷик дар Федератсияи Русия иброз намудааст, ки дар баррасии масоили марбут ба муҳоҷират бояд ба далелҳои аниқ ва мӯътамади расмӣ такя намуд ва аз баҳогузорию ақидаронии худсаронаи баъзе аз нафароне, ки вақтҳои охир ба худ ҳуқуқи аз номи муҳоҷирони меҳнатӣ ва ҳатто аз номи тамоми миллати тоҷик баромад карданро додаанд, худдорӣ намуд: «Чунин худсариҳо дар бисёр маврид бар зарари муносибатҳои байнидавлатӣ буда, ба манфиатҳои худи ҳамватанони мо дар Федератсияи Русия низ халал мерасонад. Ғайр аз ин, метавонанд, мушкилоти муҳоҷирони меҳнатиро бо мақсади ба даст овардани ҳадафҳои сиёсии худ истифода намоянд. Хадамоти муҳоҷират дар самти беҳтар намудани мушкилоти муҳоҷирони меҳнатӣ аз механизмҳои мухталиф, дар сатҳи давлатӣ, байнисоҳавӣ, дар ҳамкорӣ бо ҷомеаи шаҳрвандӣ, ташкилотхои байналмилалӣ ва ВАО, тадриҷан истифода мебарад».
Сарчашмаи хабар иттилоъ дод, ки Девонаев дар ин нишаст илова намудааст, ки маҳз тавассути диаспораҳо дастгирии муҳоҷирони меҳнатӣ муфидтар амалӣ карда мешаванд ва бояд ба ҳар як масъала диққати ҷиддӣ дода, дар якҷоягӣ бо мақомоту идораҳои дахлдор роҳи ҳалли онҳо ёфта шавад. Ӯ қайд кардааст, ки диаспораҳо метавонанд дар ташкил намудани курсҳо оид ба омӯзиши забони русӣ иштироки бевосита дошта бошанд. Дар ин ҷамъомад Абдулмаҷид Достиев, сафири Тоҷикистон дар Русия дар хусуси бетағйир мондани муносибатхои стратегӣ ва кӯшиши ба самти мустаҳкамгардонии муносибатҳои дутарафа, майл доштани Тоҷикистонро қайд карда, иброз доштааст, ки дисапораҳо дар ин раванд бояд нақши муҳим ва мусбат дошта, дар сафҳои хеш якдиливу ҳамгироиро тақвият диҳанд. Дар ин мулоқот намояндагони диаспораҳо аз Қазон, Уфа, Санкт-Петербург, Новосибирск, Новокузнетск, Ярославл, Рязан, Липетск, Москва, Нижний Новгород, Тюмен ва Омск иштирок кардаанд, афзуд манбаъ.
Мӯҳр« Апрел 2024 » | ||||||
---|---|---|---|---|---|---|
Душ | Сеш | Чор | Пан | Ҷум | Шан | Якш |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |