Русский  >>  فارسی  >>  Якшанбе 4 декабр 2016, 11:09

БТ: Нархи барқ дар Тоҷикистон барои соли оянда ҳам бетағйир боқӣ мемонад

7 декабр 2011, 04:00

Дар Тоҷикистон сарфи назар аз тавсияҳои созмонҳои молиявии байналмилалӣ, нархи барқ сар аз оғози соли оянда қиммат нахоҳад шуд.


Дар ин бора ба хабаргузории «Озодагон», Нозирҷон Ёдгорӣ, котиби матбуотии ширкати «Барқи тоҷик» иттилоъ дод. Ёдгорӣ ҳамаи овозаҳоро оиди боло бурдани нархи барқ дар Тоҷикистон беасос хонда афзуд, ки  ҳукумат бо назардошти вазъияти иҷтимоии мардум ва сатҳи пасти таъминоташон  бо барқ дар фасли сармо таи ду соли охир тарофаҳоро боло набардоштааст ва айни ҳол ҳам дар назар нест. Ин дар ҳолест, ки ба гуфтаи Ёдгорӣ тибқи тавсияҳои институтҳои молиявии байналмилалӣ, нархи барқ бояд дар Тоҷикистон соле ду маротиба зиёд гардад.

Дар ҳоли ҳозир нархи барқ дар Тоҷикистон барои аҳолӣ 9 дирам ё 2,04 сент сари як киловаттро ташкил медиҳад. Нархи миёнаи фурӯши барқ ба 1,8 сент сари киловатт баробар аст. Масъулини «Барқи тоҷик» изҳор медоранд, ки тибқи созишнома миёни Тоҷикистон ва Бонки ҷаҳонӣ то соли 2013 нархи миёнаи фурӯши як киловатт барқ бояд ҳадди ақал 3 сентро ташкил диҳад. Масъулини созмонҳои молиявӣ изҳор медоранд, ки тавассути боло бурдани нархи барқ, тавваҷҷӯҳи сармоягузорони Тоҷикистон ба бахши  энергетикаи кишвар афзоиш хоҳад ёфт.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!