Русский  >>  فارسی  >>  Сешанбе 6 декабр 2016, 20:55

Тоҷикистон барои сайёҳати туристони кампул мувофиқ аст

10 декабр 2011, 05:00

Портали маъруф дар бораи сайёҳат ва сайёҳон - «Lonely Planet»  барои нафароне, ки мехоҳанд дар соли нави 2012 бо хароҷоти кам сайругашти шавқовар дошта бошанд, маслиҳат медиҳад, ки ба Тоҷикистон сафар намоянд.


«Lonely Planet»  дар паи омӯзиши хароҷоти сайёҳон Тоҷикистонро ба қатори се минтақаи арзонтарини ҷаҳон ворид кардаст, ки сайругашт дар он маблағи зиёдро тақозо намекунад. Масъулини «Lonely Planet»  изҳор медоранд, ки дар Тоҷикистон имкон дорад ба ивази 300 доллар мошинро барои чанд рӯз кироя намуда, аз кӯҳҳои Помир, сарҳади Афғонистон ва чандин ёдгориҳои қадима дидан намуд.

 

Масъулини Кумитаи ҷавонон варзиш ва сайёҳии Тоҷикистон дар сӯҳбат бо хабарнигори «Озодагон»  изҳор доштанд, ки таи чанд соли охир барои содда ва камхарҷ кардани воридоти сайёҳон ба кишвар чандин иқдом амалӣ шудаанд. Ба гуфтаи манбаъ хироҷи раводид то 25 доллар фуроварда шудаст ва агар сайёҳ онро дар фурудгоҳ дастрас намояд, 33 доллар арзиш хоҳад дошт: «Пардохтпулии парки миллӣ ва сайёҳати кӯҳӣ дар Тоҷикистон лағв гардид. Шаҳрвандони 80 кишвари дунё, аз ҷумла 27 кишвари Аврупо метавонанд, раводиди Тоҷикистонро аз фурудгоҳ дастрас намоянд. Сайёҳон дар давоми 30 рӯз аз қайдгирии ҳатмӣ дар мақомоти корҳои дохила озод шудаанд».

Тибқи иттилои Кумита соли гузашта ба Тоҷикистон 160 ҳазор ва дар нимсолаи аввали соли ҷорӣ 110 ҳазор сайёҳ ташриф овардаанд. Масъулини Кумита ният доранд таввассути камхарҷу соддагардонии воридот ва таъмини будубоши осоишта, то соли 2020 –ум шумораи сайёҳонро дар Тоҷикистон ба як миллион нафар расонанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!