Русский  >>  فارسی  >>  Ҷумъа 9 декабр 2016, 18:33

Эрон ҳавопаймои сарнагуншудаи амрикоии навъи «RQ-170»-ро ба намоиш гузошт

9 декабр 2011, 11:38

Телевизиони давлати исломии Эрон рӯзи гузашта навореро аз як ҳавопаймои ҷосусии бесарнишини амрикоиро пахш кард, ки се рӯз пеш дар қаламрави шарқии ин кишвар сарнагун шуда буд.


Вазорати дифоъи Эрон он замон гузориш дода буд, ки ин ҳавопаймо амрикоиро "бо хисороти андаке" аз осмон ба замин сарозер кардаанд. Дар навори телевизионӣ ҳам дида мешавад, ки баданаи ҳавопаймо зоҳиран тахриб нашудааст.

Дар ҳамин ҳол, «Ассошиэйтед-пресс» навиштааст, ки ҳақиқатан ҳами ин ҳамон ҳавопаймои бидуни сарнишини амрикоист, ки дар навори телевизионҳои Эрон намойиш дода шуд. Ҳамзамон, Амиралӣ Ҳоҷизода, фармондеҳи нерӯи ҳавофазоии Сипоҳи Посдорони Инқилоби Исломӣ дар навори мазкур ҳавопаймои амрикоиро ба тамошочиён муаррифӣ кардааст.

Ёдрас менамоем, ҳанӯз рӯзи 5-уми декабр як  мақоми огоҳи низомии Эрон ба хабаргузории «Форс» гуфта буд, ки: «Ҳавопаймои бидуни сарнишини пешрафтаи ҷосусии амрикоӣ аз навъи «RQ-170» тавассути неруҳои мусаллаҳи Эрон сарнагун шуд ва бо андаке ҳисорот дар ихтиёри мо қарор гирифт». Ин мақоми низомии Эрон аз бурдани номаш худдорӣ карда таъкид кард, ки назар ба вуқӯъи таҷовузи ошкори марзи иқдомоти амалиётӣ ва электроникии неруҳои мусаллаҳи ҷумҳури  исломии Эрон алайҳи ҳавопаймоҳои мутаҷовиз ба марзҳои кишвар маҳдуд нахоҳад монд.Бино ба қавли мутахассисон ин навъи ҳавопаймоҳои бесарнишини амрикоиро то ин замон ҳеч дастгоҳи радарӣ ва мухобиротӣ кашф накарда буд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!