Русский  >>  فارسی  >>  Панҷшанбе 8 декабр 2016, 10:53

Имсол амнияти парвоз дар дунё боло рафтааст, ба ҷуз аз кишварҳои ИДМ

10 декабр 2011, 06:22

Асосиатсияи ҷаҳонии нақлиёти ҳавоӣ дар гузориши нави худ, таъкид мекунад, ки тайи 11 моҳи соли ҷорӣ амнияти парвозҳои ҳавоӣ ба ғайр  аз кишварҳои ИДМ дар минтақаҳои дигари ҷаҳон беҳтар шудааст.


Тибқи иттилои ин созмон, тайи 11 моҳи соли равон адади садамаҳои ҳавоӣ ва ҳолати фавт дар муқоиса бо нишондоди ҳамин давраи соли гузашта 50 фойиз коҳиш ёфтааст ва ин яке аз беҳтарин нишондодҳо дар таърихи ҳавонавардӣ маҳсуб меёбад.

Гюнтер Мачниг, ноиби президенти Асоссиатсияи ҷаҳонии нақлиёти ҳавоӣ изҳор медорад, ки имсол то аввали моҳи ҷорӣ 22 садамаи ҳавоии маргбор ба қайд гирифта шудаанд, ки дар натиҷа 486 нафар ҷони худро аз даст додаанд.  Дар ҳамин давраи соли гузашта дар 23 садама 786 нафар фавтидаанд. Асоссиатсия, ки  248 ширкати ҳавоии ҷаҳонро, ки 84 фойизи ҳамлу нақли ҳавоиро иҷро мекунанд, дар бар гирифта, дар гузориши наваш эълон медорад, ки нишондоди бехатарии парвоз имсол дар ҳамаи минтақаҳои ҷаҳон ба истиснои кишварҳои ИДМ поён рафтаст.  Нишондоди бехатарӣ дар ИДМ имсол нисбат ба соли 2010 –ум аз зинаи 7,05 то 11,15 боло рафтааст.

Ин дар ҳолест, ки дар Тоҷикистон чанде пеш як гурӯҳ мусофирон аз вазъи техникии нақлиёти ҳавоии кишвар, ки бисёрашон ҳанӯз истеҳсоли замони шӯравӣ астанд, тавассути номаи кушод изҳори нигаронӣ карда буданд.

Аммо масъулини ширкатҳои ҳавоии Тоҷикистон ташвиши бархе аз  мусофиронро беасос хонда, изҳор медоранд, техникаашон ба меъёрҳо ҷавобгӯй аст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!