Русский  >>  فارسی  >>  Чоршанбе 7 декабр 2016, 17:29

Тоҷикистон бо ИМА ҳамкориашро дар самти мубориза алайҳи маводи мухаддир тақвият мебахшад

13 декабр 2011, 05:26

Дар агентии назорати маводи нашъаовари назди президенти Тоҷикистон маросими супурдани сертификатҳо ба ширкаткунандагони тренинги “Тамоюлҳои ҷаҳонии муомилоти ғайриқонунии маводи мухаддир” сурат пазируфт.


Тибқи иттилои расида, ин давраи омӯзиширо раёсати мубориза бо маводи мухаддири назди сафорати ИМА дар Тоҷикистон (ДЕА) доир намуда буд. Гуфта мешавад, дар доираи ин курси таълимӣ масъалаҳои вобаста ба тамоюлҳои фарогири муомилоти ғайриқонунии маводи мухаддир, ҷамъоварӣ ва таҳлили ахбор, тафтиши парвандаҳои ҷиноятии алоқаманд ба ин ҷиноятҳо, ҳамчунин баргузории дарсҳои амалии баланд бардоштани маҳорати касбӣ дар самти мубориза бо муомилоти ғайриқонунии мухаддирот баррасӣ шуданд.

Дар маросими ҷамъбасти тренинг муовини директори агентӣ Бунафша Одинаева қайд кард, ки баргузории чунин дарсҳои омӯзишӣ барои беҳбуд бахшидан ба самаранокии мубориза бо маводи нашъадор дар минтақа мебошад. Ба қавли ӯ, ҳамкориҳо дар самти мубориза бо маводи мухаддир дар оянда низ таҳким хоҳанд ёфт. Намояндагони ДЕА изҳор доштанд, ки муколамаи фаъол миёни агентии назорати маводи нашъаовари назди президенти Тоҷикистон ва раёсати мубориза бо маводи мухаддири назди сафорати ИМА дар Тоҷикистон (ДЕА) дар оянда низ ба ҳамкориҳои муваффақона мусоидат хоҳанд намуд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!