Русский  >>  فارسی  >>  Якшанбе 4 декабр 2016, 17:11

Баррасии дубораи парвандаи ҷиноии Рустам Ҳукумов дар Маскав оғоз гардид

15 декабр 2011, 12:04

Ҳайати додгоҳии вилояти Маскав парвандаи Рустам Ҳукумов, шаҳрванди Тоҷикистонро, ки ба иттиҳоми қочоқи маводди мухаддир ба муддати тӯлонӣ равонаи зиндон шуда буд, дубора ба баррасӣ мегирад.


Бино ба навиштаи нашрияи “Известия”-и чопи Маскав, ин нафари маҳкумшуда, писари Амонулло Ҳукумов, раиси КВД “Роҳи Оҳани Тоҷикистон” буда, дар соли 2008 дар яке аз минтақаҳои Наздимаскав бо ҷурми даст доштан дар гардиши ғайриқонунии маводи нашъадори навъи ҳероин боздошт гардида буд.

Ҳамзамон, як масъули Хадамоти назорат аз болои маводи мухаддири Русия ба расонаҳои ин кишвар гуфтааст, аснои дастгиршавӣ аз Рустам Ҳукумов ҳудуди 9 килограмм ҳероин кашфу мусодира шудааст. Ӯ ҳамчунин афзуда, ки 15 сентябри соли 2010 додгоҳи ноҳияи Шёлковскийи вилояти Маскав Ҳукумовро барои 9,5 сол равонаи маҳбас кард.

Ёдрас менамоем, то замони сар задани қазияи боздошт ва ҳабси халабонҳои ширкати «Ролкан» - Владимир Садовничий ва Алексей Руденко дар шаҳри Қӯрғонтеппаи вилояти Хатлон дар Тоҷикистон ҳеч як расона дар мавриди боздошти Рустам Ҳукумов иттилоъ надошт. Ба ҳар сурат коршиносон ҳадс мезананд, ки дар пайи озод шудани халабонҳои руссу эстонӣ додгоҳи Русия барои баррасии дубораи қазияи Рустам Ҳукумов розӣ шудааст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!