Русский  >>  فارسی  >>  Якшанбе 11 декабр 2016, 16:55

Котиби масъули рӯзномаи «Садои мардум» аз олам даргузашт

16 декабр 2011, 06:11

Субҳи имрӯз дар беморхонаи «Қарияи боло»-и шаҳри Душанбе дили боз як журналисти тоҷик, котиби масъули нашрияи «Садои мардум» Абдураззоқ Салимзода аз тапидан бозмонд.


Бино ба иттилоъе, ки алъон рӯйи даст дорем, Салимзода рӯзи 12-уми декабр бо иллати бемории сактаи қалбу майнаи сар ба касалхона интиқол ёфта буд. Табибон вазъи саломатии журналистро вазнин арзёбӣ карда, талоши муолиҷаи ӯро доштанд, аммо дар пайи муолиҷаи ӯ оҷиз монданд. Соати 8-у 30 дақиқаи имрӯз, 16-уми декабр рӯзноманигор дар бистари беморӣ аз дунё даргузашт.Ҷанозаи ӯ дар зодгоҳаш, ноҳияи Мастчоҳ доир мешавад.

Ҳолнома: Олимов Розиқ Салимович (Абдураззоқ Салимзода) 24-уми марти соли 1963 дар ноҳияи Мастчоҳи вилояти Суғд ба дунё омадааст. Мактаби миёнаи рақами 10-и ноҳияро хатм карда, фориғуттаҳсили факултаи филологияи тоҷики УДТ ба номи В.И.Ленин (ҳоло ДМТ) дар соли 1991. Хизмати ҳарбиро дар ҳайати нерӯҳои низомии ИҶШС дар қаламрави Афғонистон (1981-1983) адо намудааст

Фаъолияти меҳантиашро дар соли 1985 ба ҳайси челонгар ва баъдтар ба симмати хабарнигори рӯзномаи «Бофанда»-и корхонаи нассоҷии Душанбе шурӯъ карда, соли 2002 барои кор ба нашрияи ҲХДТ- «Минбари халқ» даъват гардид. То сентябри 2011 дар ин ҳафтанома котиби масъул шуда кор мекард. Аз сентябри 2011 то дами маргаш вазифаи котиби масъули рӯзномаи «Садои мардум»-ро ба зимма дошт.

Бо ифтихорномаи «Президиуми Шӯрои Олии СССР» ва якчанд нишону медалҳо ҳамчун сарбози интернатсионалист қадрдонӣ шудааст. Узви ИЖТ ва Конфедератсияи байналмилалии журналистон буд.

Рӯҳат шоду манзили охиратат обод, ҳамқалами азиз!



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!