Русский  >>  فارسی  >>  Якшанбе 11 декабр 2016, 14:59

Маҳмадалӣ Ватанов: Қазияи қатли шаҳрванди Тоҷикистон рӯзҳои наздик рӯшан мешавад

17 декабр 2011, 06:30

Вакили МН Маҳмадалӣ Ватанов аз натоиҷи сафари анҷомдодааш ба шаҳри Санкт-Петербург ва шиносоӣ бо рафти тафтишоти парвандаи ҷиноятӣ нисбат ба куштори ваҳшиёнаи шаҳрванди Тоҷикистон Бахтиёр Расулов, дар палатаи поёнии парлумони кишвар ҳисобот дод. Бино ба қавли ӯ, қазияи куштори Бахтиёр Расулов ҳалли қонунии худро дар рӯзҳои наздик меёбад.


Маҳмадалӣ Ватанов афзуд, аснои санҷиш ва гуфтугӯ бо роҳбарони мақомоти дахлдори ҳифзи ҳуқуқ ва тартиботи шаҳри Санкт-Петербург маълум шудааст, ки дар куштори ваҳшиёнаи шаҳрванди Тоҷикистон маҳалгароён ё тоссарҳо даст надоранд. Ӯ мегӯяд, айни замон ягон далел дар мавриди он, ки сари ҷасад бурида шудааст, вуҷуд надорад. Натиҷаи ташхиси генетикӣ маълум намудааст, ки дар ҷасади Бахтиёр Расулов пайи корд вуҷуд дошта, баъдан он дар дохили автомашина сӯзонида шудааст ва натанҳо сар, балки дигар узвҳои бадани ин ҷасад сӯхта ва аз ӯ қисмати ками баданаш боқӣ мондааст.

Маврид ба ёдоварист, чанде қабл бо супориши райиси МН  Шукурҷон Зуҳуров вакили палатаи поёнии парлумон, ҳуқуқшинос Маҳмадалӣ Ватанов ҷиҳати аз наздик ошно шудан бо рафти корҳои тафтишотии сабаб ва омилҳои қатли шаҳрванди Тоҷикистон  рӯзҳои 6 то 11 декабри соли равон ба пойтахти шимолии Русия сафар карда буд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!