Русский  >>  فارسی  >>  Якшанбе 4 декабр 2016, 06:54

Фурудгоҳи «Айнӣ» таҳти назари ВМ-и Тоҷикистон аст ва бо ҳеч кишваре қарордод надорем

19 декабр 2011, 04:50

Вазорати мудофиаи Тоҷикистон хабари мустақар шудани чархболҳои Хиндустонро дар фурудгоҳи низомии «Айнӣ» рад кард.


Фаридун Маҳмадалиев, сарвари маркази матбуотии вазоратхонаи мазкур мегӯяд, миёни Тоҷикистону Ҳиндустон дар мавриди истифода аз фурудгоҳи "Айнӣ" ҳеч санаде имзо нашудааст ва иттилоъ дар бораи мустақар шудани чархболҳои ҳиндӣ дар Душанбе далели воқеъӣ надоранд. Бино ба гуфти ӯ, мутахассисони ҳиндӣ, ки ба тармиму бозсозии фурудгоҳи "Айнӣ" машғул буданд, "то замони анҷоми корҳояшон" дар Тоҷикистон боқӣ хоҳанд монд.

Маҳмадалиев афзуд, фурудгоҳи Айнӣ таҳти назари нерӯҳои ҳавоии Тоҷикистон аст ва бо ҳеч кишваре ҳеч гуна қарордоде дар бораи истифода аз ин пойгоҳи ҳавоӣ имзо нашудааст.

Ёдрас менамоем, бархе аз расонаҳои хориҷӣ бо истинод ба маҷаллаи "Чашмандози сиёсии ҷаҳон" (World Political Review) навишта буданд, ки теъдоде аз чархболҳои низомии Ҳинд дар Тоҷикистон мустақар шудаанд.Нашри ин хабарҳо ба дунболи сафари ахири бархе аз мақомҳои баландпояи ҳиндӣ ба Тоҷикистон сурат мегирад.Авоили моҳи октябр вазири дифоъи Ҳинд дидоре кӯтоҳ аз Тоҷикистон анҷом дода буд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!