Русский  >>  فارسی  >>  Душанбе 5 декабр 2016, 13:33

«ТоҷикЭйр» дар масири Душанбе-Машҳад хатти нави парвоз ифтитоҳ кард

20 декабр 2011, 06:06

Ширкати «ТоҷикЭйр» хатти парвози ҷадидеро миёни Тоҷикистону Эрон ифтитоҳ кард.


Лола Кенҷаева, сухангӯи ин муассисаи давлатии  ҳавопаймоӣ зимни ташреҳи хабар ба «Озодагон» гуфт,рӯзи 18-уми декабр нахустин парвози ҳавопаймои ин ширкат дар масири Душанбе - Машҳад анҷом шуд. Бино ба иттиллои расмӣ "ТоҷикЭйр" ҳафтае ду маротиба парвозҳои Душанбе – Теҳронро анҷом медиҳад, вале дар хатти парвози Душанбе – Машҳад то ин замон, танҳо ҳавопаймоҳои ширкати эронии "ОсмонЭйр" парвоз мекарданд. Акнун ҳавопаймоҳои "ТоҷикЭйр" ҳафтае як маротиба, дар рӯзҳои якшанбе ба Машҳад парвоз анҷом хоҳанд дод.Бо оғози парвозҳои Душанбе – Машҳад-и ширкати "ТоҷикЭйр" миёни Тоҷикистон ва Эрон дар маҷмӯъ ҳафтае панҷ маротиба парвоз анҷом мешавад.

Манбаъ афзуд, нахустин парвози ин ширкат аз Душанбе ба Машҳад, танҳо бо 11 мусофир ва парвози бозгашт аз Машҳад ба Душанбе бо 8 мусофир анҷом шудааст. Гуфтанист, дар аввал ҳамаи хатти сайрҳо камодам ҳастанд ва муштариҳо оҳиста-оҳиста зиёд мешаванд. Зимнан, ба хотири ҷалби муштариён то соли нави мелодӣ ширкати «ТоҷикЭйр» қимати билетҳои парвозро арзонтар ба фурӯш гузоштааст. Дар ҳоли ҳозир арзиши чиптаи рафту баргашти Душанбе- Машҳад 200 евро будааст, аммо ба гуфти дафтари матбуотии корхонаи мазкур, қимати билет фақат ба як сӯ бояд 185 евро бошад.

Маврид ба тазаккур аст, ки алъон ширкати «ТоҷикЭйр» дорои ёздаҳ ҳавопаймои фаъол аст, ки ба шаҳрҳои мухталифи Русия, Қазоқистон, Қирғизистон, Эрон ва Арабистон парвоз мекунанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!