Русский  >>  فارسی  >>  Шанбе 3 декабр 2016, 00:50

Хадамоти муҳоҷирати Тоҷикистон мехоҳад муҳоҷиронро забон омӯзад

23 декабр 2011, 05:50

Масъулини хадамоти муҳоҷирати кишвар сатҳи тахассус ва маълумотнокии муҳоҷирони тоҷикро дар муқоиса ба муҳоҷирони меҳнатии дигар кишварҳои ИДМ паст унвон намуданд.


Тавре аз хадамоти мазкур ба хабаргузории «Озодагон» иттилоъ доданд, маълумотнокии муҳоҷирони меҳнатӣ то ҳанӯз қаноатбахш нест ва ҳалталаб боқӣ мемонад. Бо мақсади ҳалли ин норасоӣ аз рӯи дархости хадамоти мазкур тибқи як созишномаи вижа, ки роҷеъ ба фарогирии муҳоҷирон ба омӯзиши касбу ҳунар ва ихтисосҳои замонавӣ роҳандозӣ гардидааст, муҳоҷирони меҳнатии тоҷик ба таҳсил дар омузишгоҳҳои касбӣ-техникии вазорати маориф ҷалб мешаванд. Курсҳои омӯзишӣ ба муҳоҷирони меҳнатӣ дар ҳолест, ки бархе аз соҳибназарон мегӯянд, вазорати маорифи кишвар бояд ин мушкилро аз давраи таҳсили мактаби миёнаи хонандагон ба инобат бигирад. Зеро ба боварии ин гурӯҳи соҳибназарон, дар ҳоле, ки 11 соли таҳсили мактаби миёна ва барои бархе муҳоҷирон таҳсил 5 сола дар донишгоҳ натавонист, донишу малака ва сатҳи ҳуқуқу забондонии онҳоро баланд бардорад, курсҳои чандмоҳа наметавонад, роҳи ҳал гардад. Гузашта аз ин чанд тан аз муҳоҷироне, ки  ба наздикӣ аз Русия баргаштаанд, дар суҳбат ба «Озодагон» маълумоти хадамоти муҳоҷиратро ҷиҳати паст будани сатҳи маълумотнокии муҳоҷирни тоҷик дар муқоиса ба муҳҷирони кишварҳои ИДМ рад намуданд. Шодмони Ятим яке аз онҳост, ки мегӯяд: «Барои он ба ин маълумоти хадамоти муҳоҷират розӣ шуда наметавонам, ки шахрвандони дигар кишварҳо, ба хусус Ӯзбакистон аз мухоҷирони мо дида дониши пастар доранд, фаҳмишу дарки хуб надоранд. Инро ман аз мушохидаҳоям мегӯям. Як мисол, бо сабаби паст будани сатҳи забондонӣ ва маълумотнокияшон бо нархҳои нисбатан арзон кор мекунанд. Ҳамчунин шаҳрвандони Туркманистон ва баъзан мардуми курди Туркия дар умум аз шахрвандони мо дониши паст доранд».



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!