Дар хадамоти матбуотии райиси вилоят ба хабаргузории «Озодагон» ҳамчунин гуфтанд: «Қоҳир Расулзода зикр дошт, ки дар қисмҳои ҳарбии Вазорати мудофиа, Гвардияи миллӣ, Вазоратҳои корҳои дохилӣ ва адлия, Кумитаи ҳолатҳои фавқулодда ва мудофиаи гражданӣ, Сарраёсати Қӯшунҳои сарҳадии ҷумҳурии Тоҷикистон корҳои муайян ба анҷом расонида шуда, нисбати солҳои гузашта шароити хизмат, зист ва таъминоти қисмҳои низомӣ бо лавозимоти зарурӣ, хӯрокаю пӯшока ва техникаҳои ҳарбӣ беҳтар гаштааст.Барои зимистонгузаронӣ захираи зарурии маводи хӯрока мувофиқи меъёрҳо омода шудаанд.Танҳо аз оғози ҷобаҷокунӣ, сохтмон, таъмир ва азнавсозии қисмҳои ҳарбии сарҳадӣ аз соли 2006 аз ҷониби мақомоти иҷроияи ҳокимияти давлатии вилоят ва шаҳру ноҳияҳо зиёда аз 33,7 млн. сомонӣ аз он, 10,2 млн. барои таъмин намудан бо таҷхизотҳои зарурӣ ва маводи хӯрока ҷудо карда шудааст. Ин нишондиҳанда дар 11 моҳи соли 2011 3,4 млн. сомониро ташкил медиҳад.
-Новобаста аз корҳои иҷрошуда, дар самти сохтмон, таъмир ва азнавсозии иншоотҳои сохторҳои низомие, ки дар соли 2011 ба нақша гирифта шудаанд, камбудиву норасоиҳо дида мешаванд,-афзуд манбаъ. Ҳарчанд дар шаҳру ноҳияҳои Шаҳристон, Қайроққум, Исфара, Бобоҷон Ғафуров, Айнӣ ва Ғончӣ дар ин самт фаъолият хуб ба роҳ монда шуда бошад ҳам, дар шаҳру ноҳияҳои Зафаробод, Истаравшан, Ҷ.Расулов, Конибодом, Спитамен, Хуҷанд, Кӯҳистони Мастчоҳ ва Мастчоҳ корҳо дар сатҳи зарурӣ ба роҳ монда нашудааст ва сифати корҳои иҷрогардида ба талабот ҷавобгӯ нест. Корҳои асосии сохтмони иншоотҳо ба итмом расонида шуда бошад ҳам, ҳолати иншоотҳои мададрасон, сифати корҳои таъмиру тармим, таъминот бо оби нӯшокӣ ва барқи доимӣ беҳбудӣ металабад.
Мӯҳр« Март 2024 » | ||||||
---|---|---|---|---|---|---|
Душ | Сеш | Чор | Пан | Ҷум | Шан | Якш |
1 | 2 | 3 | ||||
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |