Русский  >>  فارسی  >>  Панҷшанбе 8 декабр 2016, 16:58

Мақомот барои ҷилавгири аз қочоқи маводи мухаддир талоши бештар хоҳанд кард

27 декабр 2011, 07:02

Дар агентии назорати маводи нашъаовари назди президенти Тоҷикистон таҳти раисии муовини директори агентӣ Бунафша Одинаева ҷаласаи гурӯҳи корӣ оид ба татбиқи «Барномаи давлатии ягонаи мақсадноки пешгирии нашъамандӣ ва мубориза бо гардиши ғайриқонунии маводи нашъаовар барои солҳои 2008-2012»  сурат пазируфт.


Тавре ба хабаргузории «Озодагон» аз агентии мазкур хабар доданд, дар кори ҷаласа намояндагони вазоратҳои корҳои дохилӣ, тандурустӣ, маориф, кумитаҳои ҷавонон, варзиш ва сайёҳӣ, телевизион ва радио, кор бо занон ва оила, кумитаи давлатии амнияти миллии Тоҷикистон, хадамоти гумрук ва прокуратураи генералии Тоҷикистон иштирок  намуданд. Зимни ҷаласа иштирокчиён аз кори анҷомдодаи вазорату идораҳо дар самти пешгирии нашъамандӣ ва мубориза бо муомилоти ғайриқонунии маводи мухаддир ҳисобот доданд. Қайд карда шуд, ки фаъолияти ҳамаи вазорату идораҳо дар ин самт дар партави талаботи тавсияҳои Барномаи давлатии ягонаи мақсадноки пешгирии нашъамандӣ ва мубориза бо гардиши ғайриқонунии маводи нашъаовар дар Тоҷикистон барои солҳои 2008-2012  ва мутобиқи нақшаҳои корӣ ба роҳ монда шудааст. Соли 2012 низ кор дар ин самт бо назардошти татбиқи барномаҳо, ташкили чорабиниҳое, ки ба коҳиши талабот ба маводи мухаддир, афзудани дастрасӣ ва самаранокии фаъолият оид ба табобат ва офиятбахшии беморони гирифтори нашъамандӣ равона шудаанд, роҳандозӣ хоҳад шуд. Дар хотимаи ҷаласа ширкаткунандагон пешниҳод намуданд, ки дар оянда низ кори пешгирии нашъамандӣ ва муқовимат бо муомилоти ғайриқонунии маводи мухаддир дар қаламрави кишвар тақвият бахшида шавад.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!