Русский  >>  فارسی  >>  Якшанбе 4 декабр 2016, 04:55

С. Гулов: Тасмим гирифтаам, ки Маскав равам

29 декабр 2011, 09:07

Котиби генералии Шӯрои ВАО бардошти имсола ва нақшаҳои соли 2012-ро ин гуна шарҳ дод:


Аслан ман ҳам ба гузашта ва ҳам ба оянда хушбин ҳастам. Аз ин хотир, соли 2011 ҳарчанд, ки камтар дар сӯҳбату дидори падари азизу меҳнатиам будам, бароям чун солҳои пешин неку хотирмон буд. Хеле аз нақшаҳоям ҷомаи амал пушиданд, монографияамро бо номи "Махсусияти очерки муосири тоҷик" нашр кардам. Бароям муяссар гардид, ки оқибат ба мулки афсонавии Бадахшон сафар намоям, ба зисту зиндагии мардуми ин диёр аз наздик ошно шавам. Хотираҳои зиёде аз ин сафар, бахусус аз ноҳияи Ванҷ дорам, ки иншооллоҳ руйи чоп хоҳанд омад. Сӯҳбат бо падари журналист Марат Мамадшоев дар Хоруғ, бо Салоҳиддини Сулаймон ва фарзанди эшон Меҳёр дар Ванҷ бори дигар бароям ҳақиқатеро ошкор кард, ки беҳтарин боигарии кӯҳистони тоҷик боз ҳам инсонҳои шарафманду заковатмандаш мебошанд.

Дар соли пешомада ниятҳои зиёде дорам. Дар баробари пешбурди корҳои таълиму тарбияи шогирдон, бо инояти Худованд таҳқиқоти илмиамро ҷамъбаст карданӣ ҳастам. Ба ин хотир нияти сафари илмӣ ба Маскав дорам. Боз нақшаҳои зиёде...

Умед дорам, писари калониам Шаҳбоз, ки имсол Донишгоҳи миллиро хатм менамояд, бо ҳамсараш бароям набераи дуюмро тӯҳфа мекунанд. Таманно мекунам, ки Худованд сулҳу суботи Тоҷикистони азизро пояндатар месозаду дар хонадони ҳар сокинаш осоишро арзонӣ медорад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!