Русский  >>  فارسی  >>  Якшанбе 11 декабр 2016, 14:58

SoS: Дар Русия ҳам тоҷик тоҷикро мекушад

4 январ 2012, 10:57

Раҳмон Тошматов, ки ҳамагӣ 24 сол дошт дар Русия ба қатл расидааст.

Бино ба иттилои масъулини Хадамоти муҳоҷирати Тоҷикистон, куштори номбурда дар       шаҳри Ногински вилояти Маскав, дар манзили иҷораи онҳо воқеъ дар кӯчаи Спортивний-2 ба вуқӯъ пайвастааст. Тошматов дар натиҷаи зарбаи дарунаи косахонаи сар ва майна ба ҳалокат расидааст.

 

Дар ҳамин ҳол, сокини деҳаи Исфисори ноҳияи Бобоҷон Ғафуров, Шералӣ Абдураҳимов дар қатли ҳамватанаш гумонбар дониста шуда, аз сӯи мақомот боздошт гардидааст: «Дастгиршуда бо қарори суди шаҳри Ногинск 22 декабр    таҳти назорат қарор дорад. Ӯ бо иртикоби ҷиноят, тибқи моддаи 111, қисми 4 Кодекси ҷиноии Федератсияи Русия (қасдан расонидани зарар ба саломатӣ, ки аз беэҳтиётӣ ба марги ҷабрдида сабаб шудааст) айбдор эълом гаштааст.

Масъулини Хадамоти муҳоҷирати Тоҷикистон мегӯянд, хабари марги Раҳмон Тошматовро дар Русия ба намояндагии ин ин ниҳод дар Русия Манучеҳр Собиров  ироа дошт: « 29 декабри соли 2011 ба намояндагии мазкур шаҳрванд Собиров муроҷиат намуд, ки 20 декабри соли 2011 ҳамдеҳааш- Тошматов Раҳмон Муродҷонович,  аз қишлоқи Исфисори ноҳияи Бобоҷон Ғафурови вилояти Суғд ба қатл расонида шуд».

Манбаъ афзуд, намояндагии Хадамоти муҳоҷират ба сурати оҷил ҳуҷҷатҳои зарурӣ, инчунин барои гирифтани чипта барои Парвона Қодирова, хоҳари мақтул, ки тобутро бо ҷасад ба Ватан ҳамроҳӣ мекунад, кӯмак расонида,  тариқи хатсайри  Маскав-Ҳуҷанд ҷасадро ба Тоҷикистон фиристоданд.

Айни ҳол тафтишоти қазия аз ҷониби мақомоти пулиси Ногинск идома дорад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!