Русский  >>  فارسی  >>  Чоршанбе 7 декабр 2016, 17:29

Қиёми навбатӣ алайҳи нахуствазир

11 январ 2012, 06:34

Кумитаи ташкилии масковии “Тазоҳурот ба хотири интихоботи одилона” гуфтааст, 4 феврали соли равон дар Маскав роҳпаймоии эътирозӣ баргузор хоҳанд кард.


Дар ин бора, ҳамрайиси “Ҳизби озодии мардумӣ (“Партия народной свободи”) Владимир Рижков ба хабаргузориҳо иттилоъ додааст: “Мо ба шаҳрдорӣ тақозои иҷозаи роҳпаймоиро бо шурӯъ аз майдони Октябр, кӯпруки Кузнетский, “Садовое колтсо” то кӯчаи Арбати нав, назди Қасри китоб то ба Майдони Манеж пешниҳод хоҳем кард.
-Ин хатсайри мо тасодуфӣ набуда, он такрори роҳпаймоии 4 феврали соли 1990 аст, ки нақши роҳбарии КППС- ро барҳам зада буд”- гуфтааст В.Рижков.  
Масъулини ин кумита қарор доранд, дархости худро рӯзи 20 январ ба шаҳрдорӣ таслим намоянд, зеро аз ин барвақттарро қонунгузории Русия иҷозат намедиҳад.
Оқои Рижков афзудааст, талаби тазоҳургарон ҳамон талаботҳои тазоҳуроти пешина буда, иловатан қатъи овоздиҳиро ба ҷонибдории Владимир Путин, сарвазири вақти Русия дар интихоботи қарибулвуқӯи президентӣ пешниҳод хрҳанд кард.
Ёдовар мешавем, ки дар санаҳои 10 декабр дар майдони “Ботлоқзор” ва 24 декабр дар майдони Сахарови Маскав тазоҳуроти эътирозии мардум бо ҳимоят аз овозҳои худ дар интихоботи порлумонии Русия баргузор гардида буд, ки таҳқиқи натоиҷи интихобот, барканории раиси Кумиссиюни интихобот, озоднамоии маҳбусони сиёсӣ аз тақозои аслии мардум маҳсуб мешуд.




Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!