Русский  >>  فارسی  >>  Шанбе 10 декабр 2016, 15:44

Ду райиси суд ҷиноят содир намуда, равонаи зиндон гаштанд

13 январ 2012, 07:13

Соли гузашта дар Тоҷикистон як судя барои содир намудани ҷинояти характери коррупсионӣ дошта равонаи зиндон шуд.


Нусратулло Абдуллоев, райиси Додгоҳи олии кишвар зимни як нишасти хабарӣ, ки нимаи аввали имрӯз, 13.01.2012 сурат пазируфт, дар ин бора иброз дошт.
Номбурда, ки аз кори яксолаи ин ниҳод ҳисобот медод, дар ҷавоб ба суоли хабарнигори хабаргузории «Озодагон» гуфт: «Соли сипаришуда, райиси суди ноҳияи Вахши вилояти Хатлон бо содир намудани ҷинояти характери коррупсионӣ дошта- «гирифтани пора» муттаҳам дониста шуд ва бо ҳукми Суди олии ҷумҳурии Тоҷикистон ба мӯҳлати 7 сол аз озодӣ маҳрум гардид». Абдуллоев афзуд, райиси суди ноҳияи Ҷилликули ҳамин вилоят низ бо ҳукми Суди олии Тоҷикистон маҳкум шуд, аммо ҷинояти содирнамудаи ӯ характери коррупсионӣ надошт.
Манбаъ афзуд, дар соли 2011  68 парвандаи ҷиноятӣ нисбати 139 нафар баррасӣ шудааст, ки аз ин шумора 63 парванда нисбати 126 нафар бо баровардани ҳукми айбдоркунӣ, 1 парванда нисбати 1 нафар бо татбиқи чораҳои маҷбурии дорои хусусияти тиббӣ ва пешбурди 4 парванда нисбати 12 нафар бо татбиқи қонун афв ва бинобар пушаймонӣ аз кирдор қатъ карда шудаанд: «Аз 226 нафари маҳкумшудагон ба 109 нафараш ҷазои маҳрум сохтан аз озодӣ, аз ҷумла нисбати 13 нафар ҷазои якумра, ба 12 нафар ҷазои ҷарима, нисбати 1 нафар ҷазои маҳдуд кардан дар хизмати ҳарбӣ таъин карда, нисбати 4 нафар ҷазо шартан татбиқ карда нашудааст».



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!