Ӯзбакистон нархи газашро барои Тоҷикистон дар семоҳаи аввали соли ҷорӣ 300 доллар сари 1000 метри мукааб муайян кардаст, ки дар муқоиса бо нархҳои семоҳаи аввали соли гузашта 73 доллар қимматтар аст.
Шералӣ Гул, вазири энергетика ва саноати Тоҷикистон нархҳои мавҷударо гарон арзёбӣ карда, афзуд, ки онро ночор барои фаъол нигоҳ доштани корхонаҳои калони саноатии кишвар: «ТАЛКО», «Тоҷиксемент» ва Маркази гарму барқдиҳии Душанбе харидорӣ карда истодаанд. Дар семоҳаи аввал бо дахолати президенти Тоҷикистон бо Ӯзбакистон дар мавриди воридоти 45 миллион метрии мукааб газ мувофиқа шудааст.Шералӣ Гул дар мавриди воридоти минбаъдаи газ аз Ӯзбакистон изҳор медорад, ки масъулини ӯзбак ошкоро гуфта истодаанд, ки ба Тоҷикистон танҳо газеро мефурӯшанд, ки агар аз харидорони асосӣ-Чину Русия зиёдатӣ монад.
Соли гузашта Тоҷикистону Ӯзбакистон аввали сол дар мавриди воридоти 180 миллион метрии мукааб газ дар давоми сол созишнома баста буданд, ки ба гуфтаи масъулини «Тоҷиктрансгаз» Ӯзбакистон ӯҳдадориҳояшро иҷро кард.
Мӯҳр