Русский  >>  فارسی  >>  Панҷшанбе 27 июл 2017, 03:47

Намозгузорон: Моҷарои муфтӣ ва хонаводаи Тӯраҷонзодаҳо ба масоҷиди мо таъсир кард

25 январ 2012, 05:09

Дар ноҳияи Фархори вилояти Хатлон бо сабаби надоштани ҳуҷҷат ва фаъолияти ғайрирасмӣ, фаъолияти 5 масҷиди намозгузорӣ аз ҷониби прокуратураи ноҳия қатъ гардонда шуд.


Дар ин бора Эмомалӣ Амиров, мудири бахши дини назди мақомоти иҷроияи ҳокимияти давлатии ноҳияи Фархор ба «Озодагон» хабар дод. Ба гуфтаи ӯ, ин масоҷид солҳои зиёд мусалмонҳои рустоҳои наздикро барои гузоштани намоз ба ҳам меовардаанд: «Аммо ҳеч кадоме аз онҳо дар қайди ҳукумати маҳаллӣ набуданд ва ҳуҷҷатҳои зарурӣ барои гузаронидани намози ҷомеъа надоштанд. Аз ин хотир, фаъолияти онҳо муваққатан манъ карда шуд».
Дар ҳамин ҳол намозгузорон мегӯянд, ҳарчанд солҳои зиёде, ки масҷидҳо ба намозгузорӣ машғул будаанд, ягон масъуле фаъолияти онҳоро намесанҷид ва низ мамнӯъ эълон накарда буд. Танҳо баъди моҷарои муфтии ҷумҳурӣ бо хонаводаи Тӯраҷонзодаҳо ва миёни намозгузорон қироат накардани муроҷиатномаи муфтӣ, аз фаъолияти ғайрирасмии ин масоҷид кор гирифтаанд.
Эмомалӣ Амиров, мудири бахши дин меафзояд, аз соли нав имом-хатибон ва масъулини ин масоҷид ҳуҷҷатҳои зарурӣ барои фаъолият намуданро омода карда, ба Кумитаи дин пешниҳод кардаанд ва  бо дарёфти иҷозат албатта аз сари нав фаъол хоҳанд шуд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Июл 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930
31 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!