Русский  >>  فارسی  >>  Якшанбе 11 декабр 2016, 05:14

Фаъолияти роҳбарияти тими «Хуҷанд» зери суол меравад.Агар ҳамин тавр бозӣ кунад

28 январ 2012, 05:37

Бо иштироки раиси Федератсия футболи вилоят, раиси вилояти Суғд Қоҳир Расулзода дар толори конфронсии «Кохи матбуот» ҷамъбасти натиҷаҳои фаъолияти Федератсияи футболи вилоят оид ба натиҷаҳи соли 2011-ум баргузор шуд.


Дар бораи ҷамъбасти фаъолияти Федератсияи  футболи вилоят муовини аввали раиси федератсия Рустам Маърофиев гузориш дод. Ӯ аз ҷумла гуфт, ки мусобиқаҳо барои дарёфти мукофоти  Рустам Долтабоев ва ширкати «Мегафон» дар рушди футболи вилоят саҳми назаррас доранд. Маърофиев иттилоъ дод, ки дар лигаи олӣ аз вилояти Суғд дастаҳои «Парвоз» ва «Хуҷанд» иштирок карданд.
Ҳамзамон, раиси вилоят аз мақоми ишғолкардаи дастаҳо дар чемпионати ҷумҳуриявӣ изҳори нигаронӣ кард. Ҳамчунин, сe ғолибияти дастаи «Зарафшон»-и шаҳри Панҷакентро дар чемпионати лигаи якум баҳои баланд дод ва тавсия намуд, ки даста имсол дар мусобиқаҳои лигаи олӣ иштирок намояд.  
Тавре хабарнигори маҳаллии «Озодагон» мегӯяд, дар ин нишаст раиси ноҳияи Мастчоҳ Абдукарим Ҳикматов, раиси ноҳияи Бобоҷон Ғафуров Содиқ Мирхолиқов, мудири шӯъбаи кор бо занон ва оилаи дастгоҳи раиси вилоят Раъно Бобоҷонова супориш гирифтанд, ки баҳри вусъати футбол, аз ҷумла байни ҷавонзанону духтарон тадбирҳои мушаххас андешанд.   
Қоҳир Расулзода зимни баромадаш қайд намуд, ки чор дастаи футболи вилоят, дастаи «Хуҷанд»-и шаҳри Хуҷанд дастаи «Парвоз»-и ноҳияи Б.Ғафуров, дастаи «Зарафшон»-и шаҳри Панҷакент, дастаи «Истаравшан»-и шаҳри Истаравшан дар бозиҳои имсолаи лигаи олии футболи мамлакат иштирок намоянд. Ӯ гуфт, агар дар бозии имсола дастаи «Хуҷанд»-и шаҳри Хуҷанд ба натиҷаҳои назаррас ноил нагардад ва бо бозии футбол талаботи мухлисонашро қонеъ накунад, роҳбарияти даста аз вазифа барканор карда мешавад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!