Русский  >>  فارسی  >>  Душанбе 5 декабр 2016, 09:29

Тӯҳфаи ВМ ба ғолибони олимпиадаи байнулмилалӣ

31 январ 2012, 06:44

Вазорати маорифи Тоҷикистон хонандагонеро, ки дар олимпиадаи 8-уми байналхалқии  Жаутикови шаҳри Алмаатои Ҷумҳурии Қазоқистон ғолиб баромаданд, қадрдонӣ намуд.


Тавре ба хабаргузории «Озодагон»  Сиддиқ  Муборак, сухангуйи ин вазорат иттилоъ дод,  талабагони точик дар  ин олимпиада аз фанҳои математика, физика ва технологияи информатсионию коммуникатсионӣ иштирок намуда, бо 13 медал баргаштанд. Дар ин озмуни бонуфуз 54 даста аз 18 кишвари  Аврупо ва Осиё  иштирок доштанд. Вобаста ба дастовардҳои хонандагони тоҷик Фарҳод Раҳимов, муовини аввали вазири маориф бо ғолибони озмун мулоқот намуд.
Зимни мулоқот Фарҳод Раҳимов ғолибияти хонандагони тоҷикро дастоварди муҳим дар оғози соли нави 2012 арзёбӣ кард. Дар иртибот мавсуф аз номи ҳайати мушовараи вазорати маориф ва Нуриддин Саидов вазири маорифи кишвар ба ғолибон, устодон ва падару модарони онҳо ва инчунин, роҳбарияти литсей-интернати муштараки тоҷикӣ-туркӣ, гимназия-интернати Тоҷикистону Русия «Ҳотам ва ПВ», литсей-интернати президентии шаҳри Душанбе, мактаби президентии шаҳри Чкалов ва литсейи хонандагони болаёқати ба номи Темур Собирови шаҳри Ваҳдат табрик намуда ва дар вазъияти тантанавӣ ба эшон тӯҳфаҳои пулию молии вазорати маорифи Тоҷикистонро тақдим намуд.
Фарҳод Раҳимов гуфт, пешниҳодҳои эшон ҷиҳати таъсис додани озмоишгоҳҳои илмҳои табиию риёзии ба талаботи байналмилалӣ ҷавобгӯ дар маркази шаҳрҳо, зиёд намудани соати дарсии фанни технологияи информатсионӣ ва дигар масъалаҳои марбут ба омода намудани хонандагон ба озмунҳои ҷумҳуриявию байналмилалӣ мавриди омӯзиш ва татбиқ  қарор хоҳанд гирифт.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!