Масъулини вазорати меҳнат ва ҳифзи иҷтимоии аҳолӣ хараҷоти як нафар бошандаи хона-интернатро дар як моҳ 800 сомонӣ унвон намуданд.
Маҳмадамин Маҳмадаминов, вазири ин вазорат мегӯяд, барои як нафар тарбиягирандаи парваришгоҳ дар як рӯз 8 сомонӣ танҳо дар истеъмоли хӯрок сарф мешавад: «Агар ман ҳамчун вазир ва кормандони мо бо инсоф кор кунем, чунин миқдор пули ҷудошуда, пули кам нест».
Дар ҳамин ҳол, ҷаноби Маҳмадаминов дар посух ба суоли агар чунин аст, пас чаро аз як хона-интернати ноҳияи Ҳисор дидан намудем, ба қавли роҳбарияташ рӯзе 2 сомонӣ ба як нафар барои хӯрок хӯрдан ҷудо шудааст, иброз дошт, ки ин хона-интернат на ба вазорти меҳнат, балки ба дигар вазоратхона мансуб мебошад: «8 хона-интернат ба вазорати меҳнат ва ҳифзи иҷтимоии аҳолӣ мансуб буда, пайваста аз ҳолат, вазъу шароити онҳо хабардор мешавем».
Маҳмадамин Маҳмадаминов илова намуд, ки ба мардуми камбизоти кишвар дар соли гузашта 900 ҳазор сомонӣ кӯмак расонидаанд.
Мӯҳр