Русский  >>  فارسی  >>  Якшанбе 11 декабр 2016, 03:21

Ромодановский Путинро дастгирӣ кард. Аммо мухолифи раводид аст

2 феврал 2012, 07:29

Константин Ромодановский, сардори Хадамоти муҳоҷирати Русия пешниҳоди Путинро оиди сахт намудани ҷазо барои муҳоҷирати ғайриқонунӣ дастгирӣ карда,роҳандозии раводидро бо кишварҳои ИДМ ғайриимкон арзёбӣ кард.


Ба гуфтаи Ромодановский раводид роҳи ҳалли мушкили муҳоҷирати ғайриқонунӣ нест: «Мо наметавонем низоми раводидро ҷорӣ кунем, зеро Русия як доираи муайяни ӯҳдадориҳоро дар назди кишварҳои ИДМ дорад. Раводид имкон медошт агар мо ба сӯи Иттиҳоди АвруОсиё намерафтем, кӯшиш намекардем бо Иттиҳоди Аврупо низоми бераводидро ба роҳ монем. Аз як тараф мо ба сӯи рафтуомади бераводид бо Аврупо рафта истодаему аз ҷониби дигар бародарҳоямонро, ҳамсояҳои наздикамонро, ки дар даврони Шӯравӣ бо ҳам мезистем, маҳдуд карда истодаем».

Ромодановский таъкид кардаст, ки муҳоҷират бояд бегуфтугузор ба манфиати шаҳрвандони Русия бошад. Ба гуфтаи ӯ аз ҳама муҳимаш дар муҳоҷират набояд, некбинию бадбинӣ миёни давлатҳо авлавият пайдо кунанд, зарур аст, ки волояти қонуни Русия таъмин гардад.

Вай пешниҳоди Путинро оиди ҷорӣ кардани имтиҳон барои муҳоҷирон аз забони русӣ қобили дастгирӣ номида, изҳор доштаст, ки айни ҳол Хадамоти муҳоҷират меъёрҳои мушаххасро  барои сатҳи забондонӣ муайян карда истодааст. Ӯ мегӯяд: «Чоряки муҳоҷироне, ки аз Осиёи Миёна ба Русия меоянд таваллуди солҳои 1986-ум мебошанд, мувофиқан дар мактабҳои шӯравӣ нахондаанд ва забони русиро намедонанд».

Ромодановский иттилоъ додаст, ки қонунан дар Русия айни ҳол 2,3 миллион нафар кор карда истодаанд, вале шумораи ғайриқонунҳо метавонад аз 4 миллион бештар бошад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!