Русский  >>  فارسی  >>  Шанбе 10 декабр 2016, 19:38

Вазъи нигаҳдории лавозимоти ҷангӣ дар Тоҷикистон хатарнок аст. Назари НАТО

2 феврал 2012, 07:57

Масъулини НАТО шароити нигоҳдории лавзомоти ҷангии хатарнокро дар Тоҷикистон таҳдидовар арзёбӣ карда, омодагиашонро барои дарёфту безараргардонии махфигоҳҳо ва беҳтар кардани шароити нигоҳдории силоҳҳо дар Тоҷикистон изҳор доштаанд.


Тавре ба хабаргузории «Озодагон» маълум гардид, созишномаи дахлдор рӯзе пеш миёни Тоҷикистону НАТО дар дафтари ин созмон ба имзо расидаст. Рустамҷон Солиҳов, сафири Тоҷикистон дар Белгия ин созишномаро, ки харҷи лоиҳавии 575 ҳазор евроро дар бар мегирад, «қадами аввал дар ҳамкории иттифоқчиён» арзёбӣ кардаст.

Масъулини НАТО изҳор медоранд, ки дар Тоҷикистон бисёре аз лавозимот дар анборҳои муваққатӣ нигоҳ дошта шуда, аз сабаби камбуди ҷой силоҳҳое, ки бояд аз ҳамдигар дур бошанд, дар як ҷой нигоҳдорӣ мешаванд. Зиёда аз ин ба гуфтаи масъулини НАТО қисмате аз лавозимот дар Тоҷикистон кӯҳна шуда истодаанд ва мувофиқан устувориашонро аз даст додаанд ва ин омилро дар шароити иқлими гарму хушки Тоҷикистон хатарнок номиданд.

Дар доираи лоиҳаи НАТО ва Тоҷикистон омӯзондани афсару ҳарбиёни тоҷик дар назар буда, таи 12 моҳ гурӯҳ ба дарёфт ва безараргардонии силоҳҳо ва беҳтаргардонии шароити нигоҳдории лавозомоти коршоям машғул хоҳад шуд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!