Русский  >>  فارسی  >>  Якшанбе 4 декабр 2016, 19:11

Мушкили норасоии барқ дар Тоҷикистон то Парлумони Аврупо кашида шуд

2 феврал 2012, 11:00

Тоҷикистон дар фасли зимистон аз норасоии барқ танқисӣ мекашад. Нерӯгоҳҳои обӣ-барқии хурд ва миёна талаботи энергетикии Тоҷикистонро пурра қонеъ намегардонанд ва ба рушди соҳаи саноат мусоидат нахоҳанд кард. Мушкилӣ танҳо тавассути сохтмони НОБ-и Роғун, ки иқтидораш 3600 мВт аст, ҳал хоҳад шуд. Ин нуктаро Рустамҷон Солиев, намояндаи доимии Тоҷикистон дар назди Иттиҳоди Аврупо зимни суханронӣ дар Брюсел изҳор дошт. Номбурда, ки дар ҷаласаи бози ҳайати Парлумони Аврупо оид ба робита бо кишварҳои Осиёи Марказӣ суханронӣ мекард, ҳамчунин ба масъалаи экологии минтақа дахл намуд. Вай аз ҷумла дар мавриди идораи захираҳои обӣ, хушкшавии баҳри Арал ва фаъолияти Ширкати алюминии тоҷик дар пешгирии ифлосшавии муҳити зист сухан кард. Вобаста ба фаъолияти Ширкати алюминии тоҷик дар пешгирии ифлосшавии муҳити зист, Сафири Тоҷикистон дар Иттиҳоди Аврупо  иттилоъ дод, ки дар ҳамкорӣ бо ширкати Hydro Aluminum корхонаи алюминии тоҷик бо филтрҳои нави дунизома ҷиҳозонида шудааст, ки пурра ба стандартҳои байналмилалӣ ҷавобгӯ аст. Дар хотима Рустамҷон Солиев иброз дошт, ки талошҳои саривақт ва муштарак ба кишварҳои минтақа имконият медиҳанд, ки ба чолишхои муосир муқовимат нишон дода, роҳҳои дурусти ҳалли мушкилиҳои ҷойдоштаро пайдо намоянд. “Мавқеи умумиминтақавӣ нисбат ба истифодаи захираҳои обию энергетикӣ дар Осиёи Марказӣ ба идоракунии самараноки захираҳои об баҳри таъмини об, энергетика, озуқаворӣ, амният, рушди иқтисодиёт, беҳтар намудани некӯаҳволии мардум ва ноил шудан ба рушди пойдори тамоми минтақа мусоидат менамояд”,- хулоса кард Сафир.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!