Русский  >>  فارسی  >>  Якшанбе 4 декабр 2016, 23:26

Баррасии даъвои Тӯраҷонзодаҳо дар додгоҳи ноҳияи Исмоили Сомонӣ

6 феврал 2012, 08:32

Баъд аз зӯҳри имрӯз баррасии даъвои Тӯраҷонзодаҳо аз болои Сайидмуккарам Абдулқодирзода, райиси Шӯрои уламои Тоҷикистон дар додгоҳи ноҳияи Исмоили Сомонӣ сурат мегирад.


Тавре Бузургмеҳр Ёров, адвокати ҷониби даъвогарон иттилоъ дод, қарор аст мурофиаи мазкур соати 15-и ҳамин рӯз баргузор шавад.

Ёдрас менамоем, аснои мурофиаи аввали додгоҳӣ рӯзи 26-уми январ суд ба тарафҳо пешниҳод кард, ки оштӣ кунанд ва аз даъвои худ гузаранд. Зимнан, барои ин ба ҷонибҳо то рӯзи 6-уми феврал мӯҳлат дода шуда буд.

Он вақт (рӯзи 26-уми январ) Ҳоҷӣ Акбар Тӯраҷонзода дар сӯҳбат бо хабарнигори «Озодагон» гуфт, онҳо розӣ шудаанд, ки дар асоси иҷрои се шарташон аз ҷониби Саидмукаррам Абдуқодирзода аз даъво даст кашанд ва бо ӯ созиш кунанд:«Мо дар посух ба пешниҳоди суд гуфтем, ки ба сулҳ розӣ ҳастем, аз ин даъвобозиҳо худамон ҳам дар хиҷолатем, аммо дар асоси се шарт аз даъвоямон мегузарем. Шарти аввал, ин ки қароре, ки дар ҳаққи мо бароварданд, золимона буд. Мо шиъа нестем, вале моро шиъа гуфтанд. Ба ин хотир бояд Шӯрои уламо қарор барорад ва иқрор шавад, ки қарораш хато буд. Баъдан, масҷидро дубора боз кунанду намози ҷумъаро иҷоза диҳанд ва домуллоҳо сари корашон баргарданд.»

Бояд гуфт, он рӯз (26-уми январ) дар муҳокимаи тарафҳо дар суди ноҳияи И.Сомонӣ аз оилаи Тӯраҷонзодаҳо Ҳоҷӣ Акбар ва эшони Нуриддин, аз Шӯрои уламо Сайидмукаррам Абдуқодирзода бо намояндагони ин шӯро ва ҳамчунин намояндагони Кумитаи дин низ ҳузур доштанд.

Ёдовар мешавем, ки Шӯрои уламои Маркази исломии Тоҷикистон рӯзи 6-уми декабр дар баёнияе, ки онро хабаргузории «Ховар» ба нашр расонд, аз баргузории маросими азодории «Ошӯро» дар масҷиди «Муҳаммадия» ва нақши хонадони Тӯраҷонзодаҳо дар ин иқдомро шадидан интиқод кард ва ин хонадонро ба «тағйири мазҳаб" муттаҳам намуд. Сипас, оилаи Тӯраҷонзодаҳо барои тӯҳмат ва паст задани шаъну эътибори онҳо аз болои райиси Шӯрои уламо ба суди ноҳияи И.Сомонӣ шикоят бурданд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!