Русский  >>  فارسی  >>  Шанбе 10 декабр 2016, 02:15

1.100 нафар дар Суғд аз ҷониби ҳукумати вилоят кӯмак хоҳанд гирифт

8 феврал 2012, 06:23

Ахиран қарори марбутаи Қоҳир Расулзода, райиси вилояти Суғд таҳти рақами 35 ба тасвиб расид.


Тибқи иттилои хабарнигори маҳаллии «Озодагон», ин санад бо назардошти хизматҳои бузурги иштирокчиён ва маъюбони Ҷанги Бузурги Ватанӣ, маъюбони амалиётҳои ҷангӣ дар қаламрави давлатҳои дигар, маъюбони барқароркунии сохти конститутсионӣ дар Тоҷикистон, инчунин аъзоёни оилаҳои ҷанговарони дар ин ҷангҳо ҳалокгардида ва бо мақсади қадршиносӣ ва дастгирии иҷтимоии онҳо ба муносибати 67-солагии Иди Ғалаба дар ҶБВ ба имзо шудааст.

Зимнан, дар асоси ин қарор ба Сарраёсати меҳнат ва ҳифзи иҷтимоии аҳолии вилоят супориш дода шудааст, ки аз ҳисоби маблағҳои ба ин ниҳод дар соли 2012 пешбинишуда барои пардохти маблағҳои мазкр  ба маблағи 367.200 сомонӣ ҷудо намояд.

Бояд қайд намуд, ки ба иштирокчиён ва маъюбони Ҷанги Бузурги Ватанӣ, маъюбони амалиётҳои ҷангӣ дар қаламрави давлатҳои дигар, маъюбони барқароркунии сохти конститутсионӣ дар Ҷумҳурии Тоҷикистон, аъзоёни оилаҳои ҷанговарони дар ин ҷангҳо ҳалокгардида ҳар моҳ ба андозаи 25 сомонӣ кӯмакпулӣ дода мешавад.

Ҳоло дар шаҳру навоҳии вилояти Суғд иштирокчиёни ҶБВ 153 нафар, маҷрӯҳони ҶБВ 389 нафар, маъюбони ҷанг дар қаламрави давлатҳои дигар 102 нафар, маъюбони ҳифзи сохти конститутсионӣ 96 нафар, оилаҳои хизматчиёни ҳарбии дар ҷангҳо ҳалокгардида 360 нафар, дар маҷмӯъ 1100 нафар мебошанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!