Русский  >>  فارسی  >>  Якшанбе 11 декабр 2016, 16:50

Шӯрои ҷамъиятӣ дар назди Хадамоти муҳоҷират таъсис меёбад

9 феврал 2012, 10:32

Роҳбарияти Хадамоти муҳоҷирати Тоҷикистон тасмим гирифтааст, ки дар назди ин ниҳод Шӯрои ҷамъиятӣ ташкил диҳад.


Ҳадаф аз ин, омода намудани пешниҳодҳо барои такмили минбаъда ва самаранок амалӣ намудани сиёсати давлатӣ дар соҳаи муҳоҷират, баҳодиҳӣ ва азназаргузаронии пайвастаи вазъи амалишавии барномаҳои давлатӣ дар соҳаи муҳоҷирати меҳнатӣ, бастани созишномаҳо ва шарномаҳои байналмилалию байнидавлатӣ ва гузашта аз ин, дар якҷоягӣ пиёда намудани чорабиниҳои мушаххас мебошад.

 

Тавре аз Хадамоти муҳоҷират ба хабаргузории «Озодагон» иттилоъ доданд, ба Шӯрои ҷамъиятӣ иҷрои вазифаҳои гуногуне аз қабили омода намудани тавсияҳо роҷеъ ба қонунгузорӣ, баррасии мушкилиҳо ва афзалиятҳои соҳаи муҳоҷират, кӯмак расонидан дар интиқоли маблағи муҳоҷирон, муҳокимаи санадҳои меъёрию ҳуқуқӣ дар бахши муҳоҷират, дохил мешавад. Дар пайи таъсиси ин шӯро, Хадамоти муҳоҷират ният дорад, ки ҳамкориҳои доимии зичро бо иттиҳодияҳои ҷамъиятӣ, муассисаҳои илмӣ, ташкилотҳои байналмилалию ҷамъиятӣ бо мақсади баланд бардоштани самаранокӣ ва мукаммалгардонии сиёсати давлатӣ дар қонунгузории кишвар вобаста ба соҳаи муҳоҷират, ба роҳ монад.

Манбаъ иттилоъ дод, ки феълан ҳайати Шӯрои ҷамъиятӣ аз ҳисоби намояндагони ниҳодҳои мухталифи давлатӣ, аз ҷумла Вазорати маориф, Вазорати меҳнат ва ҳифзи иҷтимоӣ, Вазорати корҳои хориҷӣ ташкил ёфта истодааст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!