Русский  >>  فارسی  >>  Якшанбе 4 декабр 2016, 23:25

АНМН 6 нафарро бо ҷурми нашъаҷаллобӣ боздошт кард

9 феврал 2012, 11:54

Дар пайи силсилаамалиётҳое, ки кормандони агентии назорати маводи нашъаовар дар шаҳру навоҳии кишвар анҷом доданд, шаш нафар ба гумони ширкат дар муомилоти ғайриқонунии маводи мухаддир боздошт гардиданд.


Тавре ба «Озодагон» аз ин ниҳод иттилоъ доданд,  зимни амалиёт шаҳрванди 30-солаи шаҳри Қӯрғонтеппа бо 0,7919 грамм ҳероин аз ҷониби кормандони Раёсати агентӣ дар вилояти Хатлон боздошт шуд.

Ҳамзамон, як рӯз баъд, кормандони ҳамин Раёсат шарики ӯ, сокнини 29-солаи Қӯрғонтеппаро, ки низ муваққатан бекор ва оиладору соҳиби ду фарзанд будааст, боздошт карданд. Ҳангоми кофтукови шахсӣ аз кисаи шими ӯ маводи хокамонанд ва кулӯхчадори дорои бӯи махсус кашф ва мусодира гардид. Лабораторияи ташхиси судӣ  0,6717 гармм ҳероин будани хокаи мусодирашударо тайид кард.

Инчунин, масъулини АНМН рӯзи 6-уми феврал дар кӯчаи ба номи Чехови шаҳри Душанбе шаҳрванди 31-солаи пойтахтро бо 94,4 грамм воситаи нашъаовари ҳашиш боздошт намуданд. Дар шаҳри Чкаловски вилояти Суғд бошад, кормандони Раёсати агентӣ дар ҷараёни баргузории амалиёти фаврӣ як гурӯҳи муташаккил иборат аз ду нафарро ба гумони  ширкат дар муомилоти ғайриқонунии маводи мухаддир боздошт ва аз онҳо 804,2 гармм бангдона мусодира намуданд: «Аз ҷумлаи боздоштшудагон яке сокини 38-солаи ноҳияи Мастчоҳ, оиладор, соҳиби чор фарзанд буда, қаблан суд нашудааст. Шарики ӯ, зодаи ноҳияи Сарбанди вилояти Хатлон аст, ки дар шаҳри Чкаловск зиндагонӣ мекунад. Мавсуф низ бекор, оиладор ва соҳиби 5 фарзанд аст.

Манбаъ афзуд, тафтишот ошкор кард, ки яке аз боздоштшудаҳо соли 2011 бо моддаҳои 245, 247 қ. 4 банди б суд аз озодӣ маҳрум шудааст. Кормандони фаврӣ ин миқдор маводи нашъадорро дар ҷараёни кофтукови хонаи истиқоматии онҳо дар як халтачаи селофанӣ пайдо карданд.

Зимнан, ҷавоне, ки дар бозори марказии шаҳри Хоруғ қасд дошт мухаддирот савдо кунад, аз ҷониби  кормандони Раёсати агентӣ дар ВМКБ боздошт шуд.   Тибқи хулосаи лабораторияи ташхиси судии Раёсати агентӣ маводи мусодирашуда аз ӯ, навъи ҳероин буда, вазни умумии он 0,788 грамро ташкил медиҳад.

-Ҳамаи боздоштшудагон ба ҳабс гирифта шудаанд ва аз аъмоли содиркардаи онҳо парвандаҳои ҷиноятӣ оғоз шуда, тафтишот барои муайян кардани сарчашмаҳои дарёфти маводи мухаддир  ва шарикон ҷиноии боздоштшудагон идома дорад,-илова кард манбаъ.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!