Қӯшқурғони Шаҳристон ва мушкилоти он аз дидгоҳи райси ноҳия

Наим Муқумов, райиси ноҳияи Шаҳристон бо сокинон деҳаи Қӯшқӯрғони ин минтақа мулоқот кард.

---

Бино ба иттилои хабарнигори маҳаллии «Озодагон», дар нишаст аҳолии русто оид ба масъалаи таъминот бо замини наздиҳавлигӣ, кам кардани нақшаи иҷро аз истифодаи замин, бо техникаҳои зарурӣ таъмин намудани варзишгоҳи деҳа, таъминот бо оби тозаи нӯшокӣ ва дигар масъалаҳо муроҷиат намуданд.

Зимнан, раиси ноҳия оид ба масъалаи тақсимоти замини наздиҳавлигӣ гуфт, ки ин масъала дар рӯзҳои наздик ҳаллу фасл гардида, бобати иваз намудани қитъаи замини наздиҳавлигӣ тамоми санадҳои лозима дар сатҳи ноҳия баррасӣ гардидааст ва агар  аз ҷониби ҳукумати Ҷумҳурии Тоҷикистон тасдиқ шавад, ин муаммо низ бартараф хоҳад шуд.

Ҳамчунин, Наим Муқумов роҳбарияти хоҷагии тухмипарварии Қӯчқӯрғон ва шӯъбаи маорифи ноҳияро вазифадор кард, ки варзишгоҳи деҳаро бо воситаҳои зарурӣ дар рӯзҳои наздик  таъмин намоянд. Дар охир, бобати масъалаҳои киштукори баҳорӣ, истифодаи оқилонаи замин, суст будани фаъолияти хоҷагӣ дар самти тайёр кардани тухмҳои хушсифат, зиёд намудани кишти картошка, ҳосилнокии маҳсулоти кишоварзӣ, дастгирии оилаҳои яккаву танҳо, маъюб ва камбизоат сухан рафт.

 

 

Мӯҳр