Русский  >>  فارسی  >>  Чоршанбе 7 декабр 2016, 15:38

Қазоқистон Тоҷикстандартро аз қайди байналмиллалӣ мегузаронад

14 феврал 2012, 04:35

Маркази миллии аккредитатсия (бақайдгирӣ)-и ҷумҳурии Қазоқистон тасмим гирифтааст, озмоишгоҳҳои агентии Тоҷикстандартро аз қайди байналмилалӣ гузаронад.


Аз агентии Тоҷикстандарт ба хабаргузории «Озодагон» иттилоъ доданд, ки ин ниҳод, тибқи як созишнома ният дорад, Тоҷикстандартро барои аъзо намудан ба ташкилоти байналмиллалӣ оид ба аккредитатсия дастгирӣ ва пешбарӣ намояд: «Маркази миллии аккредитатсияи ҷумҳурии Қазоқистон, ки дар миқёси Осиёи Марказӣ ягона мақомоти салоҳиятдор оиди аккредитатсияи озмоишгоҳҳосту аз тарафи Ташкилоти байналмиллалӣ оид ба ҳамкориҳо дар соҳаи аккредитатсияи озмоишгоҳҳо (ILAC) ваколат гирифтааст, боз 3 озмоишгоҳи дастгоҳи марказӣ ва марказҳои вилояти Суғду Хатлонро низ аз рӯи талаботи стандарти байналмилалии ИСО/МЭК 17025:2007  аз аккредитатсияи байналмилалӣ мегузаронад».

 

Сарчашмаи хабар иттилоъ дод, ки феълан намояндагони ин ташкилоти байналмилалӣ дар якҷоягӣ бо намояндагони маркази миллии аккредитатсияи Қазоқистон дар агентии Тоҷикстандарт ба гузаронидани ташхиси озмоишгоҳҳо машғул буда, баъди анҷоми он тавсия ва пешниҳодҳои худро ҷиҳати гирифтани аккредитатсияи байналмилалӣ пешниҳод хоҳанд намуд. Дар робита ба ин, масъулини агентӣ низ гузаронидани корҳои аккредатсиониро дар озмоишгоҳҳои маркази Тоҷикстандарт дар ВМКБ, минтақаи Кӯлоб ва дигар марказҳои зертобеи худ амалӣ менамояд. Тоҷикстандарт тасмим гирифтааст, ки марҳила ба марҳила ҳамаи 14 озмоишгоҳҳои марказҳои зертобеъи худро, ки дар манотиқи гуногуни мамлакат фаъолият доранд, аз ин аккредитатсия гузаронад. Масъулини агентии Тоҷикстандарт мегӯянд, пас аз гузаштани ин тартибот хулосаҳои протоколии озмоишгоҳҳои номбурдаро 70 мақомот аз 58 давлати мутараққии ҷаҳон эътироф мекунанд, ки ин барои дохил шудан ба Созмони умумиҷаҳонии савдо самараи хуб медиҳад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!