Русский  >>  فارسی  >>  Чоршанбе 7 декабр 2016, 19:24

Лоиҳаи Қонун дар бораи матбуот. Кӣ чӣ пешниҳод дорад?

16 феврал 2012, 05:54

СҶ «Журналист» рӯзи 16-уми феврали соли равон таҳти унвони «Баррасии пешниҳодҳо ба лоиҳаи Қонуни ҶТ дар бораи воситаҳои ахбори омма» мизи мудавар багузор менамояд.


Қироншоҳ Шарифзода, райиси ташкилоти мазкур дар ташреҳи ин хабар ба «Озодагон» гуфт, ҳадафи ин нишаст, мусоидат намудан ба такмили лоиҳаи Қонуни ҶТ «Дар бораи воситаҳои ахбори омма» мебошад, ки тӯли ду соли охир мавриди баррасӣ дар Маҷлиси намояндагони Маҷлиси Олии ҶТ қарор дорад. Гуфтанист, ки Қонуни ҶТ «Дар бораи матбуот ва дигар воситаҳои ахбори омма» ҳанӯз дар даврони Шӯравӣ (14 декабри с.1990) қабул шуда, то имрӯз чандин маротиба ба тағйиру иловаҳо мувоҷеҳ гардидааст.

Манбаъ мегӯяд, мутаассифона, тағйиру иловаҳои воридшуда низ, қонуни бунёдии соҳаи ВАО-ро ба талаботу ниёзҳои ҷомеаи демократӣ ҷавобгӯ нанамудааст: “Ташаббуси вакилони МН, Олимҷон Салимзода ва Акрамшо Фелалиев дар амри омода намудани лоиҳаи Қонуни ҶТ «Дар бораи воситаҳои ахбори омма» дар таҳрири нав, аз ҷониби ҷомеаи журналистӣ бо хушиву умедвории зиёд истиқбол гардид, ки баҳсу мунозира, ироаи дархосту пешниҳодҳои фаровон дар нишастҳо ва тавассути саҳифаҳои матбуоти даврӣ, далолат ба ин аст: «Вале ҳамоно ба андешаи худи журналистон ва соҳибназарон ворид намудани тағйиру иловаҳои ҷиддӣ ба қонуни бунёдии соҳа, ба хусус дар масъалаҳои танзими бақайдгирии ВАО, ҳуқуқи журналистон ба дастрасӣ ва ҳифзи манбаъҳои иттилоот, ғайриҷиноӣ гардонидани таҳқиру тӯҳмат дар ВАО, ки аз арзишҳои демократии санадҳои байналмилалии эътирофнамудаи Ҷумҳурии Тоҷикистон мебошанд, имрӯз амри зарурӣ гардидааст».

Гуфтанист, ба “Мизи мудаввар” ҳудуди 25 нафар аз ҷумлаи вакилони МН МО ҶТ, кормандони масъули Дастгоҳи иҷроияи президент, ниҳодҳои ҳукуматӣ, журналистон ва коршиносони соҳа даъват гардидаанд. Дар нишаст пас аз шунидани гузориши вакилони МН МО ҶТ  Олимҷон Салимзода, Акрамшо Фелалиев ва маърӯзаи ҳуқуқшинос Иноят Иноятов, баҳсу мунозира, табодули афкор перомуни зарурати ворид намудани тағйиру иловаҳо ба лоиҳаи Қонуни ҶТ «Дар бораи воситаҳои ахбори омма» сурат мегирад.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!