Русский  >>  فارسی  >>  Якшанбе 4 декабр 2016, 06:51

Парламент Қонун «Дар бораи таъмини нафақа»-ро ба баррасӣ гирифт

15 феврал 2012, 09:31

Имрӯз, 15-уми феврал дар Душанбе таҳти раёсати раиси МН  Шукурҷон Зуҳуров ҷаласаи навбатии иҷлосияи сеюми палатаи поёнии парлумони мамлакат сурат пазируфт.


Дар нишаст лоиҳаҳои қонунҳои Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи суғуртаи давлатии иҷтимоӣ», «Дар бораи ворид намудани тағйирот ба Кодекси замини Ҷумҳурии Тоҷикистон», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи тарбияи ҷисмонӣ ва варзиш», «Дар бораи занбӯриасалпарварӣ» ва «Дар бораи таҳсилоти иловагӣ» баррасӣ ва қабул гардиданд.

Тибқи иттилои дафтари матбуотии МН, вазири меҳнат ва ҳифзи иҷтимоии аҳолӣ Маҳмадамин Маҳмадаминов ва вакили Маҷлиси намояндагон Амирбек Маҳмадалиев дар баромади худ аз рӯи лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи суғуртаи давлатии иҷтимоӣ» изҳор доштанд, ки бештари тағйироти воридшуда ба лоиҳаи қонуни мазкур хусусияти таҳрирӣ дошта, ҳамчунин барои фаъолиятҳои минбаъдаи ниҳоди марбута мусоидат менамояд.

Манбаъ мегӯяд, вобаста ба масъалаи мазкур ва лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон», ки аз тарафи вакилони Маҷлиси намояндагон рӯзи 8 – уми феврал қабул шуда буд, раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров таъкид дошт, ки пас аз қабули лоиҳаи қонуни мазкур ба унвони Маҷлиси намояндагон номаҳои дархостӣ дар мавриди ба мардум фаҳмонидани моҳият ва нуктаҳои лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон» ворид шудаанд. Раиси Маҷлиси намояндагон хотирнишон сохт, ки мавриди амал қарор гирифтани қонуни мазкур ба маъюбоне, ки то замони қабули лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон» ба нафақа баромада, нафақаи маъюбӣ мегиранд, таъсир намегузорад.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!