Русский  >>  فارسی  >>  Ҷумъа 9 декабр 2016, 04:54

1200 пешниҳод барои лоиҳаи Кодекси нави андози ҶТ дар таҳрири нав ворид гардид

17 феврал 2012, 10:04

Комиссия оид ба таҳияи лоиҳаи Кодекси андози Ҷумҳурии Тоҷикистон дар таҳрири нав чанд иқдоми ҷиддиро дар самти таҳрири Кодекси ҷадид амалӣ сохт.


Тавре ба хабаргузории «Озодагон» аз ин комиссия иттилоъ доданд, он дар ҳайати намояндагони вазорату идораҳо, иттиҳодисоҳибкорони Тоҷикистон барои муҳокимаи тавсияҳо ва пешниҳодҳо ба лоиҳаи кодекси мазкур дар таҳрири нав таъсис дода шудааст.

Бино ба иттилои расида, аз аввали фаъолияти кории Комиссия аз тарафи  ташкилотҳои давлатӣ ва ғайридавлатӣ, ассотсиатсияҳо, соҳибкорон ва инчунин шахсони инфиродӣ барои таҳияи лоиҳаи Кодекси андози Ҷумҳурии Тоҷикистон дар таҳрири нав зиёда аз 1200 пешниҳодҳо ва тавсияҳо ворид гардидааст: «Ҳамаи пешниҳодҳои воридшуда аз тарафи коршиносон таҳлил шудааст ва ба ҷадвали ягонаи аналитикӣ муттамарказонида шуда, ба сомонаи интернетии Вазорати молияи Ҷумҳурии Тоҷикистон -   loihaiqonun.gov.tj ворид карда шудааст.

Гуфтанист, лоиҳаи Кодекси андози Ҷумҳурии Тоҷикистон дар таҳрири нав таҳия гардида,  ба вазорату идораҳо барои баррасӣ ва пешниҳод намудани хулосаю пешниҳодот ва тавсияҳо ирсол карда мешавад.

Барои ҳамаи масъалаҳо доир ба  ирсоли пешниҳод ва тавсияҳо оид ба ислоҳоти  қонунгузории андози Ҷумҳурии Тоҷикистон ва инчунин барои гирифтани маълумоти муфассал оиди фаъолияти Комиссия, хоҳиш мешавад, ки ба сомонаи Вазорати молияи Ҷумҳурии Тоҷикистон - loihaiqonun.gov.tj  ё ин ки ба суроғаи электронӣ – dnp77@mail.ru муроҷиат намоед.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!