Русский  >>  فارسی  >>  Чоршанбе 7 декабр 2016, 17:28

Панҷакент: Сабаби баста шудани марз бо Ӯзбакистон тафсир ёфт

22 феврал 2012, 12:09

Дар толори омӯзишгоҳи омӯзгории ба номи Лоиқ Шералии шаҳри Панҷакент ҷаласаи Шӯрои ҳамоҳангсозии мақомоти ҳифзи ҳуқуқ бо иштироки прокурори шаҳр Шӯҳрат Музаффаров , муовинони раиси шаҳр Хисрав Дӯстбоев ва Маҳбуба Гадоева  баргузор гардид.


Тибқи иттилои хабарнигори маҳаллии «Озодагон» ҷаласаро прокурори шаҳр оғоз намуда, аз вазъи иҷрои Қонунҳои Ҷумҳурии Тоҷикистон «Дар бораи озодии виҷдон ва иттиҳодияҳои динӣ», «Дар бораи ҳизбҳои сиёсӣ», «Дар бораи танзими анъана ва ҷашну маросимҳои Ҷумҳурии Тоҷикистон» маърӯза кард.

Зимнан, муовини раиси шаҳр Х. Дӯстбоев оид ба масъалаи масҷидҳо, мадрасаи шаҳр, пешгирии ҷинояткорӣ махсусан дар байни ноболиғон сухан кард.

Манбаъ афзуд, пас аз ин бо донишҷӯёну омӯзгорон  оид ба масаъалаҳои сабаби кушода набудани сарҳади миёни Тоҷикистону Ӯзбекистнон, дидбонгоҳи Саразм, суст ба роҳ мондани фаъолияти комиссияҳои ҷамъиятӣ оид ба татбиқи Қонун «Дар бораи танзими анъана ва ҷашну маросимҳо», рушди соҳаи варзиш дар байни духтарон, яъне ташкили дастаҳои волейбол ва баскетболи духтарона, ба вазифаҳои роҳбарикунанда бештар ҷалб намудани занону духтарони болаёқат ва дигар масъалаҳо суолу ҷавоб доир гардид.

Маврид ба ёдоварист, дар машварат зиёда аз 350 нафар донишҷӯёну омӯзгорон иштирок намуда, суолу ҷавоб тариқи шабакаи электронии омӯзишгоҳ сурат гирифт.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!