Русский  >>  فارسی  >>  Сешанбе 6 декабр 2016, 13:07

«Барқи тоҷик» фурӯши барқро ба хориҷа зиёд кард. Аммо сарнавишти 161 ҳазор доллар норӯшан аст

24 феврал 2012, 06:54

Бо вуҷуди камбуди барқ дар дохили кишвар, «Барқи тоҷик» дар моҳи аввали соли равон ба хориҷа 23 миллион киловатт/соат барқ содир кардааст, ки дар муқоиса бо ҳамин давраи соли гузашта 54,7 фоиз зиёд аст.


Тибқи иттилои Агентии омор маблағи фурӯши барқ ба хориҷа 643 ҳазору 200 доллари амрикоиро ташкил додаст, ки ин сари ҳар киловатт камтар аз 2,8 сентро ташкил медиҳад.    Масъулини «Барқи тоҷик» ва Вазорати энергетика ва саноати Тоҷикистон нархи як киловатт барқро барои хориҷиён 3,5 сент/киловатт арзёбӣ намуданд.Тибқи ин нишондод маблағи фурӯши 23 миллион киловатт барқ ба хориҷа бояд 805 ҳазор доллари амрикоиро ташкил медод. Пас суол бармеояд, ки 161 ҳазору 200 доллари боқимонда куҷо шудааст?

Фурӯши барқ ба хориҷа дар ҳоле сурат гирифтааст, ки дар Тоҷикистон сар аз 11–уми октябр маҳдудияти барқ ҷорӣ шуда, мардуми навоҳӣ ҳамагӣ 6-7 соат бо барқ таъминанду халос.  Шералӣ Гул, вазири энергетика ва саноати Тоҷикистон содироти барқро дар фасли сармо барои таъмини амнияти хатҳои интиқоли пайввасткунандаи Афғонистону Тоҷикистон зарур медонад. Ӯ мегӯяд: «Мо хати нави сохташудаи Сангтӯда–Пули Хумриро таҳти ҷараён қарор додаем, ки то ноқилҳоро набурранд, симчӯбҳоро накананд».



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!