Русский  >>  فارسی  >>  Шанбе 3 декабр 2016, 09:40

Барандагони медалҳои бозиҳои олимпии Лондон-2012 аз 200 то 300 ҳазор сомонӣ мукофотпулӣ хоҳанд гирифт

24 феврал 2012, 11:55

Имрӯз, 24-уми феврал Эмомалӣ Раҳмон, райисҷумҳури Тоҷикистон  барои бо мукофоти пулӣ сарфароз гардондани варзишгарони тоҷик, ки дар бозиҳои 30 – юми олимпии (Лондон – 2012) ҷойҳои якум, дуюм ва сеюмро ишғол менамоянд, фармон имзо намуд.


Тибқи амри президент барои ҳар як барандаи медали тилло 300 ҳазор, медали нуқра 250 ҳазор ва биринҷӣ 200 ҳазор сомонӣ мукофотпулӣ муқаррар карда мешавад.
Бино ба иттилои хадамоти матбуотии президент, ин нишонаи возеҳи дастгирии бевоситаи райисҷумҳур аз варзишгарони ояндадори тоҷик ба хотири рушди варзиш ва тарғибу ташвиқи тарзи ҳаёти солим дар миёни ҷавонону наврасон аст.
Маврид ба ёдоварист, тадбири навбатии президенти ҶТ барои рушди варзиш дар Тоҷикистон равона гардидааст. «Умед аст, ки минбаъд варзишгарони тоҷик натиҷаҳои аз гузаштаю имрӯза ҳам бештар, аз ҷумла дар бозиҳои 30 – юми олимпии (Лондон - 2012) нишон дода, парчамбардорони Тоҷикистони азиз дар мусобиқаҳои бонуфузи минтақавию ҷаҳонӣ мегарданд»,- афзуд манбаъ.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!