Русский  >>  فارسی  >>  Панҷшанбе 8 декабр 2016, 08:58

Мусодираи 15 кило маводи нашъадор дар ҷануби кишвар

27 феврал 2012, 06:44

Зимни амалиёти кормандони агентии назорати маводи нашъаовар    миқдори зиёди маводи мухаддир мусодира гардид.


Тавре ба хабаргузории «Озодагон» аз ин ниҳод иттилоъ доданд, дар пайи амалиёт дар қаламрави ноҳияи Панҷи вилояти Хатлон як марди  47-сола, ки қаблан барои ширкат дар муомилоти ғайриқонунии маводи мухаддир маҳкум шуда буд ва шарики ӯ донишҷӯи 19-солаи Донишкадаи ҳарбии Вазорати мудофиаи кишвар бо 15 кило ҳашиш боздошт шуданд.

Тибқи иттилоъ, ин ҳодиса охири ҳафтаи гузашта иттифоқ афтод. Дар ҷараёни баргузории чорабинии фаврӣ кормандони агентӣ аз ин ду тан 15 бастаи селофанӣ ошкор ва мусодира намуданд, ки дар дохилашон моддаҳои қаламчашакли дорои бӯи махсус буданд.

Шӯъбаи тафтишотии агентӣ аз рӯи ин ҳодиса бо моддаи 200, қ. 4 (муомилоти ғайриқонунии воситаҳои нашъаовар ва ё моддаҳои психотропӣ) кодекси ҷиноии Тоҷикистон парвандаи ҷиноятӣ оғоз намуд.Айни замон борои шиносоии шахсони дигар аз зумраи шаҳрвандони Афғонистон, ки ба ин амали ҷиноӣ шариканд, чораҳои амалӣ андешида мешавад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!