Русский  >>  فارسی  >>  Якшанбе 4 декабр 2016, 21:18

Офаридаҳои Ботур Аллаберганов дар «Мино» ба маъраз гузошта мешаванд

28 феврал 2012, 04:01

Намоиши инфиродии ҳунари рассоми шодравон Ботур Аллаберганов дар Душанбе баргузор мегардад.


Тибқи иттилоъ, ин чорабинӣ 3-юми марти соли равон бо кӯмаки молиявии шӯъбаи Ташкилоти байналмилалии Институти «Ҷомеаи Кушода»- Бунёди Мадад  дар Тоҷикистон дар  Нигорхонаи ҳунарии «Мино», ки дар бинои Иттифоқи меъморони Тоҷикистон, кӯчаи Беҳзод №1 ҷойгир аст, сурат мепазирад.

 

Гуфта мешавад, ба маърази тамошочиён  73 асари рассом аз қабили наққошӣ, тарроҳӣ, расмҳо, мусаввада ва ҳазлҳои дӯстона, бо шумули асарҳои нотамом гузошта мешаванд.

Мутахассисон ба ҳунари рассом баҳои баланд дода, дар асарҳои ӯ  воқеияти замонро  бо ҳазлу анъанаҳои маишии мардумӣ мебинанд. Офаридаҳои муаллиф дар осорхонаҳо ва коллексияҳои хусусӣ дар Тоҷикистон ва хориҷ аз он дар Полша, Муғулистон, кишварҳои Африка ва ғайра маҳфузанд.

Маврид ба ёдоварист, Ботур Аллабергенов 9 майи соли 1941 таваллуд шуда, соли 1967  Омӯзишгоҳи ҷумҳуриявии рассомии ба номи М. Олимов ва соли 1973 Институти давлатии театриву рассомии Тошкандро хатм кардааст.  Ӯ фаъолияти худро ба омӯзгорӣ бахшида, дар Коллеҷи ҷумҳуриявии рассомии ба номи М. Олимов ва Донишгоҳи техникии Тоҷикистон ба номи академик М. Осимӣ аз наққошӣ дарс гуфтааст. 1 декабри соли 2011 Ботур Аллабергенов  бармаҳал аз ҳаёт чашм пӯшид.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!