Русский  >>  فارسی  >>  Шанбе 10 декабр 2016, 13:47

Консули генералии Тоҷикистон намояндагони ширкатҳои бузурги тиҷоратии Дубайро ба Тоҷикистон даъват кард

1 март 2012, 05:41

28 феврал Раҳимҷон Носиров, консули генералии Тоҷикистон дар шаҳри Дубайи Амороти Муттаҳидаи Араб бо Солим Убайд Ал Зоҳирӣ, раиси муассисаи хайриявӣ ва башардӯстонаи “Зайд ибни Султон Оли Наҳаён” вохӯрӣ кард.


Зимни мулоқот масъалаи сохтмони нерӯгоҳи обӣ-барқии хурди “Ванҷ” бо иқтидори 800 кВт/с, ки дар ноҳияи Ванҷ ҷараён дорад, баррасӣ гардид.
Бо дастгирии консулгарии генералӣ муассисаи хайриявӣ ва башардӯстонаи “Зайд ибни Султон Оли Наҳаён” амалисозии лоиҳаи бунёди НОБ-и хурди “Ванҷ”-ро ба ӯҳда гирифт.
Дар фарҷоми гуфтушунид Солим Убайд Ал Зоҳирӣ изҳори боварӣ кард, ки чунин ҳамкориҳо ба таҳкиму густариши муносиботи дӯстонаи миёни Тоҷикистон ва Амороти Муттаҳидаи Араб саҳм мегузоранд.
Ҳамчунин, Раҳимҷон Носиров бо мудири кулли Палатаи савдои аморати Дубай Ҳамад Буамим мулоқот анҷом дод. Ҷонибҳо мавзӯъҳои муҳими муносибатҳои дуҷониба, сохтмони нерӯгоҳҳои хурду бузург ва инкишофи ҳамкориҳои тиҷоратӣ-иқтисодӣ миёни Тоҷикистон ва аморати Дубайро мавриди баррасӣ қарор доданд. Ҳамзамон, консули тоҷик ба ҳамсӯҳбати худ дар бораи барномаву рӯзномаи Панҷумин Конфронси ҳамкории иқтисодии минтақавӣ оид ба Афғонистон (RECCA-V) маълумот дода, намояндагони ширкатҳои бузурги тиҷоратии аморати Дубайро барои иштирок дар ин чорабинии байналмилалӣ даъват намуд.
Ба ғайр аз ин, дар Дубай Раҳимҷон Носиров бо мудири намояндагии вазорати корҳои хориҷии Амороти Муттаҳидаи Араб дар Дубай Абдураҳмон Аҳмад Ал Шамлон сӯҳбат дошт. Ҳолати кунунӣ ва дурнамои рушди муносибатҳои дуҷонибаи миёни Тоҷикистон ва Амороти Муттаҳидаи Араб дар ин мулоқот мавриди муҳокима қарор гирифт.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!